Geri

FHN-də “BP” şirkətinin Azərbaycan-Gürcüstan-Türkiyə üzrə regional prezidenti ilə görüş olmuşdur

6 fevral 2012-ci il tarixində Azərbaycan Respublikasının fövqəladə hallar naziri general-polkovnik Kəmaləddin Heydərov “BP” şirkətinin Azərbaycan-Gürcüstan-Türkiyə üzrə regional prezidenti cənab Rəşid Cavanşiri qəbul etmişdir.

Görüş zamanı nazir Fövqəladə Hallar Nazirliyi və “BP” şirkəti arasında fövqəladə halların qarşısının alınması və nəticələrinin aradan qaldırılması sahəsində əməkdaşlıq imkanlarını yüksək qiymətləndirdiyini qeyd etmiş, gələcəkdə görüşlərin, treninqlərin, təlimlərin keçirilməsinin vacibliyini bildirmişdir.

“BP” şirkətinin Azərbaycan-Gürcüstan-Türkiyə üzrə regional prezidenti cənab Rəşid Cavanşir də öz növbəsində, səmimi qəbula görə təşəkkürünü bildirmiş, əməkdaşlıqda maraqlı olduğunu qeyd etmiş və bu kimi görüşlərin iki qurumun əlaqələrinin genişləndirilməsi baxımından geniş imkanlar açacağına ümid etdiyini diqqətə çatdırmışdır.

Görüşdə “Azərbaycan Respublikası Fövqəladə Hallar Nazirliyi və BP şirkəti arasında fövqəladə halların qarşısının alınması və nəticələrinin aradan qaldırılması sahəsində Qarşılıqlı Fəaliyyət Planı” imzalanmışdır.

Digər məlumatlar

Fövqəladə Hallar Nazirliyi Qurban bayramı günlərində gücləndirilmiş iş rejimində çalışacaq

Qurban bayramı günlərində Fövqəladə Hallar Nazirliyinin qəza-xilasetmə qurumları və regional mərkəzləri gücləndirilmiş iş rejimində işləyəcəkdir....

Ardını oxu

Azərbaycan Respublikasının fövqəladə hallar naziri Kəmaləddin Heydərov Qəbələ şəhərində vətəndaşları qəbul edəcək

Azərbaycan Respublikasının fövqəladə hallar naziri Kəmaləddin Heydərov tərəfindən  24 avqust 2018-ci il tarixində Qəbələ şəhərində, Fövqəladə Hallar Nazirliyinin Şimal-Qərb Regional Mərkəzinin binasında saat 11.00-dan vətəndaşların qəbulu keçiriləcəkdir. ...

Ardını oxu

Fövqəladə Hallar Nazirliyinin mətbuat xidmətinin məlumatı

Avqustun 10-da axşam saatlarından başlayaraq avqustun 11-də səhər saatlarınadək Respublikanın bəzi şimal-qərb rayonlarında fasilələrlə yağan leysan xarakterli yağışlar nəticəsində Zaqatala və Balakən rayonlarında bəzi ərazilərin subasmaya məruz qalması ilə əlaqədar Fövqəladə Hallar Nazirliyi tərəfindən Rayon İcra Hakimiyyətlərinin iştirakı ilə təxirəsalınmaz tədbirlər həyata keçirilmişdir......

Ardını oxu