Geri

Fövqəladə Hallar Nazirliyi xəbərdarlıq edir

Son günlər havaların kəskin soyuması nəticəsində su hövzələrində (Xəzər dənizində, göllərdə, çaylarda və digər su tutar yerlərdə) suyun üzünü buz  təbəqəsinin örtməsi və həmin təbəqənin üzərinə əlavə qarın yağması nəticəsində su hövzələrinin sahil zolağında hərəkət üçün təhlükəli şərait yaranmışdır. Təəssüflər olsun ki, bəzi vətəndaşlar bu cür təhlükəli vəziyyəti düzgün qiymətləndirməyərək  həmin ərazidən əylənmək üçün istifadə etməyə çalışırlar.

Belə ki, üzəri buzla örtülmüş su hövzələrinin üzərində əyləncə məqsədi ilə sürüşmək (xizəklə və ya xizəksiz), qaçmaq, yerimək, balıq tutmaq, müxtəlif nəqliyyat vasitələrini oraya çıxarmaq, ümumiyyətlə, bütün növ hərəkətlər insan həyatı üçün böyük təhlükə yaratmış olar.

Fövqəladə Hallar Nazirliyi vətəndaşları bu cür su hövzələrində donmuş  sahil zolağından uzaq durmağa və azyaşlı uşaqların bu kimi yerlərə yaxınlaşmamasına xüsusi diqqət yetirməyə çağırır. Əgər bu kimi hadisənin baş verdiyi müşahidə olunarsa, vətəndaşlardan təcili olaraq FHN-in “112” qaynar  xəttinə zəng etmələri və ya əraziyə yaxın FHN-in Dövlət Sularda Xilasetmə Xidmətinin xilasetmə məntəqələrinə məlumat vermələri xahiş olunur.

Digər məlumatlar

Fövqəladə Hallar Nazirliyinin mətbuat xidmətinin məlumatı

Avqustun 10-da axşam saatlarından başlayaraq avqustun 11-də səhər saatlarınadək Respublikanın bəzi şimal-qərb rayonlarında fasilələrlə yağan leysan xarakterli yağışlar nəticəsində Zaqatala və Balakən rayonlarında bəzi ərazilərin subasmaya məruz qalması ilə əlaqədar Fövqəladə Hallar Nazirliyi tərəfindən Rayon İcra Hakimiyyətlərinin iştirakı ilə təxirəsalınmaz tədbirlər həyata keçirilmişdir......

Ardını oxu

Fövqəladə Hallar Nazirliyində Bakı şəhərinin Baş Planı ilə bağlı müzakirələr aparılmışdır

Azərbaycan Respublikasının Fövqəladə Hallar Nazirliyində Bakı şəhərinin Baş Planının müzakirəsi məqsədilə görüş keçirilmişdir. Görüşdə fövqəladə hallar nazirinin müavinləri  - tibb xidməti general-leytenantı Faiq Tağı-zadə,  general-leytenant Ragim Lətifov, Orucəli Hacıyev, Azərbaycan Respublikasının Dövlət Şəhərsalma və Arxitektura Komitəsi Aparatının rəhbəri Anar Quliyev, "The Boston Consulting Group" şirkətinin ekspertləri......

Ardını oxu

“TENİZ-2018” beynəlxalq kompleks təlimi başa çatmışdır (VIDEO)

Xəbər verdiyimiz kimi, Qazaxıstan Respublikasının Mangistau vilayətində start götürən və 2 gün davam edən “TENİZ-2018” beynəlxalq kompleks təlimi avqustun 3-də  sona çatmışdır ...

Ardını oxu