Geri

Bakının Sabunçu və Suraxanı rayonlarında radioaktiv çirklənməyə məruz qalan ərazilər təmizlənmişdir

Noyabr 29-da Fövqəladə Hallar Nazirliyində “Keçmiş Bakı Yod Zavodunun Sabunçu və Suraxanı rayonlarında yerləşən istehsalat sahələrinin və onların ətrafının təbii radionuklid tərkibli kömür, neft, neft məhsulları və digər tullantılarla çirklənmiş ərazilərinin təmizlənməsi” layihəsinin yekunlaşdırılması ilə bağlı tədbir keçirilmişdir.

Tədbirdə Nazirlər Kabinetinin, Fövqəladə Hallar Nazirliyinin, Atom Enerjisi üzrə Beynəlxalq Agentliyin, AMEA-nın Radiasiya Problemləri İnstitutunun və digər təşkilatların nümayəndələri iştirak etmişlər.

Tədbirdə çıxış edən fövqəladə hallar nazirinin müavini, tibb xidməti general-leytenantı Faiq Tağı-zadə Azərbaycan Prezidenti İlham Əliyevin göstərişinə əsasən həyata keçirilən layihəyə 2012-ci ilin may ayından başlandığını qeyd edərək, ötən müddət ərzində Beynəlxalq Atom Enerjisi Agentliyi ekspertlərinin nəzarəti altında «Ecoland» MMC tərəfindən çox böyük işin aparıldığını və layihənin uğurla yekunlaşdırıldığını iştirakçıların diqqətinə çatdırmışdır.

Sonra görülən işləri özündə əks etdirən videoçarx nümayiş etdirilmişdir.

AEBA ekspertləri Andrey Çupov, Horst Moken Fernandes, AMEA Radiasiya Problemləri İnstitunun direktoru Adil Qəribov və digər çıxış edənlər layihənin uğurla həyata keçirildiyini və iş aparılan ərazilərdə radiaktiv çirklənmənin tam aradan qaldırıldığını qeyd etmişlər.

Digər məlumatlar

Fövqəladə Hallar Nazirliyinin mətbuat xidmətinin məlumatı

Avqustun 10-da axşam saatlarından başlayaraq avqustun 11-də səhər saatlarınadək Respublikanın bəzi şimal-qərb rayonlarında fasilələrlə yağan leysan xarakterli yağışlar nəticəsində Zaqatala və Balakən rayonlarında bəzi ərazilərin subasmaya məruz qalması ilə əlaqədar Fövqəladə Hallar Nazirliyi tərəfindən Rayon İcra Hakimiyyətlərinin iştirakı ilə təxirəsalınmaz tədbirlər həyata keçirilmişdir......

Ardını oxu

Fövqəladə Hallar Nazirliyində Bakı şəhərinin Baş Planı ilə bağlı müzakirələr aparılmışdır

Azərbaycan Respublikasının Fövqəladə Hallar Nazirliyində Bakı şəhərinin Baş Planının müzakirəsi məqsədilə görüş keçirilmişdir. Görüşdə fövqəladə hallar nazirinin müavinləri  - tibb xidməti general-leytenantı Faiq Tağı-zadə,  general-leytenant Ragim Lətifov, Orucəli Hacıyev, Azərbaycan Respublikasının Dövlət Şəhərsalma və Arxitektura Komitəsi Aparatının rəhbəri Anar Quliyev, "The Boston Consulting Group" şirkətinin ekspertləri......

Ardını oxu

“TENİZ-2018” beynəlxalq kompleks təlimi başa çatmışdır (VIDEO)

Xəbər verdiyimiz kimi, Qazaxıstan Respublikasının Mangistau vilayətində start götürən və 2 gün davam edən “TENİZ-2018” beynəlxalq kompleks təlimi avqustun 3-də  sona çatmışdır ...

Ardını oxu