Geri

FHN-də Norveç Krallığının səfiri ilə görüş keçirilmişdir

16 noyabr 2012-ci il tarixində Azərbaycan Respublikasının fövqəladə hallar naziri general-polkovnik Kəmaləddin Heydərov Norveç Krallığının Azərbaycan Respublikasındakı fövqəladə və səlahiyyətli səfiri cənab Erling Şönsberq və «Statoil» şirkətinin Azərbaycan üzrə direktoru cənab Lars Sörensen ilə görüşmüşdür.

Görüş zamanı nazir Kəmaləddin Heydərov nazirlik, onun strukturu və fəaliyyəti haqqında ətraflı məlumat vermişdir. Nazir, həmçinin, fövqəladə halların idarə olunması, xüsusilə də neft dağılmaları sahəsində Norveçin müvafiq qurumları ilə əməkdaşlığın əhəmiyyətini qeyd etmişdir.

Səfir öz növbəsində, səmimi qəbula görə təşəkkür edərək Azərbaycanla Norveç arasında aidiyyəti qurumların əməkdaşlığı üçün geniş imkanların mövcud olduğunu bildirmiş, bu istiqamətdə birgə fəaliyyətin zəruriliyini vurğulamışdır.

 Qarşılıqlı anlaşma şəraitində keçən görüşdə Azərbaycanla Norveçin aidiyyəti qurumları arasında təcrübə və mütəxəssis mübadiləsi, qarşılıqlı səfərlərin təşkil olunması və qarşılıqlı maraq doğuran digər məsələlər ətrafında fikir mübadiləsi aparılmışdır.

Digər məlumatlar

“Serbiya-2018” beynəlxalq təlimində fərqlənmiş FHN əməkdaşları təltif olunmuşlar

17 oktyabr 2018-ci il tarixində Fövqəladə Hallar Nazirliyində “Serbiya-2018” beynəlxalq təlimində fərqlənmiş bir qrup FHN əməkdaşının təltif olunması mərasimi keçirilmişdir. Təltifləri təlim iştirakçılarına təqdim edən fövqəladə hallar nazirinin müavini general-leytenant Etibar Mirzəyev onları təbrik edərək xidmətdə uğurlar arzulamışdır. ...

Ardını oxu

Fövqəladə hallar naziri Kəmaləddin Heydərov Badamdar şosesində baş verən sürüşmə zonasında olmuşdur

Oktyabrın 13-də Fövqəladə hallar naziri general-polkovnik Kəmaləddin Heydərov  Badamdar şosesində baş verən sürüşmə zonasında olmuşdur. Nazir sürüşmə zonasındakı vəziyyətlə yaxından tanış olmuş, lazımi işlərin görülməsi ilə əlaqədar nazirliyin müvafiq qurumlarının rəhbərlərinə tapşırıqlar vermişdir.​...

Ardını oxu

Azərbaycanda yanğınsöndürmə xidmətinin yaradılmasının 100 illiyi münasibətilə tədbir keçirilmişdir

Fövqəladə Hallar Nazirliyinin Həmkarlar İttifaqı 10 oktyabr 2018-ci il tarixində FHN-in Binəqədi rayon Dövlət Yanğından Mühafizə İdarəsində Azərbaycanda yanğınsöndürmə xidmətinin yaradılmasının 100 illiyi münasibətilə təntənəli tədbir keçirmişdir. ...

Ardını oxu