Geri

FHN nümayəndə heyəti Çexiya Respublikasında səfərdə olmuşdur

29-30 oktyabr 2012-ci il tarixlərində Azərbaycan Respublikası fövqəladə hallar nazirinin müavini general-leytenant Etibar Mirzəyevin başçılıq etdiyi nazirliyin nümayəndə heyəti Çexiya Respublikasında səfərdə olmuşdur.

Səfərin həyata keçirilməsində məqsəd Azərbaycan Respublikasının Fövqəladə Hallar Nazirliyi ilə Çexiya Respublikasının müvafiq qurumları arasında fövqəladə halların idarə olunması sahəsində əməkdaşlıq əlaqələrinin qurulması olmuşdur.

Səfər çərçivəsində Çexiya Respublikası daxili işlər nazirinin birinci müavini cənab Yaroslav Hruska ilə nümayəndə heyətlərinin və Azərbaycan Respublikasının Çexiya Respublikasındakı fövqəladə və səlahiyyətli səfiri cənab Tahir Tağızadənin birgə iştirakı ilə görüş keçirilmişdir. Görüş zamanı cənab Yaroslav Hruska Çexiya ərazisində fövqəladə halların idarə olunması və mülki müdafiə işinin təşkili sahəsində görülmüş işlər barədə ətraflı məlumat vermişdir. Daha sonra Azərbaycan Respublikasında son illər təbii və texnogen xarakterli fövqəladə halların qarşısının alınması və nəticələrinin aradan qaldırılması sahəsində görülmüş işlər barədə qarşı tərəfə geniş məlumat verilmişdir. Görüş zamanı gələcəkdə nazirliklər arasında təcrübə mübadiləsinin aparılması, həmçinin, birgə təlim və tədbirlərin keçirilməsi barədə razılıq əldə olunmuşdur.

Səfər çərçivəsində Çexiya Respublikasında fövqəladə halların qarşısının alınması və nəticələrinin aradan qaldırılması işi ilə məşğul olan bir sıra qurumların fəaliyyəti ilə tanışlıq olmuşdur.

Digər məlumatlar

Fövqəladə hallar naziri Kəmaləddin Heydərovun Siyəzən şəhərində vətəndaşların qəbulunun vaxtı dəyişmişdir

Azərbaycan Respublikasının fövqəladə hallar naziri Kəmaləddin Heydərov tərəfindən 22 iyun 2018-cı il tarixində Siyəzən şəhərində keçirilməsi nəzərdə tutulan vətəndaşların qəbulunun vaxtı dəyişmişdir. Qəbulun keçiriləcəyi tarix barədə əlavə məlumat veriləcəkdir....

Ardını oxu

Azərbaycan Respublikasının fövqəladə hallar naziri Kəmaləddin Heydərov Siyəzən şəhərində vətəndaşları qəbul edəcək

Azərbaycan Respublikasının fövqəladə hallar naziri Kəmaləddin Heydərov tərəfindən  22 iyun 2018-ci il tarixində Siyəzən şəhərində, Siyəzən Rayon Dovlət Yanğından Mühafizə Hissəsinin inzibati binasında saat 11.00-dan vətəndaşların qəbulu keçiriləcəkdir. ...

Ardını oxu

ABŞ-ın Oklahoma ştatının Milli Qvardiyasının nümayəndə heyəti Fövqəladə Hallar Nazirliyində görüş keçirmişdir

Azərbaycan Respublikasının Fövqəladə Hallar Nazirliyinin Böhran Vəziyyətlərində İdarəetmə Mərkəzində 14 iyun 2018-ci il tairixində ABŞ-ın Oklahoma ştatının Milli Qvardiyasının komandanı general-leytenant Maykl Tompsonun başçılıq etdiyi nümayəndə heyəti ilə görüş keçirilmişdir. ...

Ardını oxu