Geri

FHN Dövlət Yanğından Mühafizə Xidməti yanğın-taktiki təlim keçirmişdir

Fövqəladə Hallar Nazirliyinin Dövlət Yanğından Mühafizə Xidməti 23 noyabr 2011-ci il tarixdində Heydər Əliyev adına Bakı neft emalı zavodunda yanğın-taktiki təlim keçirib.

Bakı neft emalı zavodunun 2 saylı istehsalat sahəsinin 22 nömrəli qurğusunun vakuum bölməsinin K-1 kolonunda şərti qəza nəticəsində 43 metrlik kolonun 37-ci metr səviyyəsində yanğın baş vermişdir. Kolonda olan neft məhsulları xaricə çıxmaqla ətrafa dağılmış və yanmışdır.

Təlimə 4 nömrəli çağırışla Dövlət Yanğından Mühafizə Xidmətinin Bakı qarnizonunun qüvvə və vasitələri - 16 əsas və 7 xüsusi təyinatlı yanğınsöndürən avtomobil, 115 nəfər şəxsi heyət, zavodun 21 nəfər mühəndis-texniki personalı cəlb edilmişdir.

Təlimdə yeni alınmış yanğınsöndürən avtomobillərin və "PURQA" tipli köpüklə söndürmə qurğularının ekstremal vəziyyətlərdə taktiki-texniki imkanlarından maksimum istifadə qaydaları öyrənilmış, şəxsi heyətin fiziki səviyyəsi nümayiş etdirilmiş, döyüş, peşə, və psixoloji hazırlığının artırılması istiqamətində müvafiq işlər görülmüşdür. Təlimdə qarşıya qoyulmuş məqsədə tam nail olunmuşdur.

Digər məlumatlar

Quba rayonunda dağlıq ərazidə itkin düşmüş alpinistlərin axtarışları ilə əlaqədar Əməliyyat Qərargahının məlumatı

Quba rayonu ərazisində itkin düşmüş alpinistlərin axtarışları yanvarın 17-də davam etmişdir. Axtarış işləri Fövqəladə Hallar Nazirliyinin peşəkar xilasedicilərdən ibarət dəstələrinin, Ekologiya və Təbii Sərvətlər Nazirliyinin əməkdaşlarının və peşəkar alpinistlərdən ibarət könüllü dəstələrin iştirakı, həmçinin müvafiq texnika və xilasetmə avadanlıqlarının tətbiqi ilə aparılır. ...

Ardını oxu

Kiçikhəcmli Gəmilərə Nəzarət və Sularda Xilasetmə Dövlət Xidməti kiçikhəcmli gəmilərə texniki baxış keçirəcəkdir

Azərbaycan Respublikası Fövqəladə Hallar Nazirliyinin Kiçikhəcmli Gəmilərə Nəzarət və Sularda Xilasetmə Dövlət Xidmətində 2018-ci il ərzində kiçikhəcmli gəmilərə texniki baxış aşağıdakı cədvələ uyğun keçiriləcəkdir: ...

Ardını oxu