Geri

FHN Bakı Regional Mərkəzi maarifləndirmə tədbirlərini davam etdirir

Fövqəladə Hallar Nazirliyinin Bakı Regional Mərkəzi (BRM) Bakı şəhər rayonlarının icra hakimiyyətləri ilə birgə "Yanğın təhlükəsizliyi" mövzusunda silsilə maarifləndirmə tədbirlərini davam etdirir. Ehtimal olunan yanğın hadisələrinin qarşısının alınması, sakinlərə yanğın hadisələri zamanı düzgün davranış vərdişlərinin aşılanması məqsədilə noyabr ayının 21-i və 22-də müvafiq olaraq Nizami və Qaradağ rayonlarında növbəti müşavirələr keçirilmişdir. Tədbirlərdə çıxış etmiş natiqlər son zamanlar soyuqların düşməsi ilə əlaqədar elektrik qısaqapanmaları, qaz sistemlərindəki nasazlıqlar nəticəsində bədbəxt hadisələrin baş vermə ehtimalının xeyli artdığını qeyd etmişlər. Bu səbəbdən Bakı Regional Mərkəzinin təşəbbüsü ilə rayon icra hakimiyyətləri ilə birgə yanğın təhlükəsizliyinə həsr olunmuş maarifləndirmə tədbirlərinin keçirilməsi vaxtında atılmış addım kimi qiymətləndirilmişdir.

Müşavirələrdə FHN-in müvafiq qurumlarının və BRM-in yüksək ixtisaslı mütəxəssisləri tərəfindən "Yanğının söndürülməsinə maneçilik törədən səbəblər və onların aradan qaldırılması yolları", "Yanğının baş vermə səbəbləri və yanğın zamanı hərəkət qaydaları", "Yanıqlar və dəm qazından boğulma halları zamanı ilkin tibbi yardım", "Qazdan, elektrik enerjisindən təhlükəsiz istifadə qaydaları", "Payız və qış mövsümü ilə əlaqədar görüləcək tədbirlər", "Yanğın təhlükəsizliyi problemləri və onların həlli yolları", "Elektrik enerjisindən təhlükəsiz istifadə qaydaları" mövzularında edilmiş çıxışlar tədbir iştirakçıları tərəfindən böyük maraqla dinlənilmişdir.

Digər məlumatlar

Fövqəladə hallar naziri Kəmaləddin Heydərov Badamdar şosesində baş verən sürüşmə zonasında olmuşdur

Oktyabrın 13-də Fövqəladə hallar naziri general-polkovnik Kəmaləddin Heydərov  Badamdar şosesində baş verən sürüşmə zonasında olmuşdur. Nazir sürüşmə zonasındakı vəziyyətlə yaxından tanış olmuş, lazımi işlərin görülməsi ilə əlaqədar nazirliyin müvafiq qurumlarının rəhbərlərinə tapşırıqlar vermişdir.​...

Ardını oxu

Azərbaycanda yanğınsöndürmə xidmətinin yaradılmasının 100 illiyi münasibətilə tədbir keçirilmişdir

Fövqəladə Hallar Nazirliyinin Həmkarlar İttifaqı 10 oktyabr 2018-ci il tarixində FHN-in Binəqədi rayon Dövlət Yanğından Mühafizə İdarəsində Azərbaycanda yanğınsöndürmə xidmətinin yaradılmasının 100 illiyi münasibətilə təntənəli tədbir keçirmişdir. ...

Ardını oxu

“Mübarizlər” ekstremal idman marafonu üzrə qalib komanda təltif olunmuşdur

6 oktyabr 2018-ci il tarixində Fövqəladə Hallar Nazirliyində “Mübarizlər” ekstremal idman marafonu üzrə respublikanın güc strukturlarının komandaları arasında keçirilmiş yarışda birinci yer tutmuş Fövqəladə Hallar Nazirliyinin komandasının üzvlərinin təltif olunma mərasimi keçirilmişdir. ...

Ardını oxu