Geri

Bakıda mülki-hərbi fövqəladə hazırlıq üzrə seminar keçirilmişdir

Cari ilin 13-16 sentyabr tarixlərində Bakı şəhərində ABŞ-ın Ordu Mühəndislər Korpusu və Azərbaycan Respublikası Fövqəladə Hallar Nazirliyinin (FHN) təşkilatçılığı ilə "Mülki-hərbi fövqəladə hazırlıq" mövzusunda seminar keçirilmişdir. 

Tədbirdə FHN-nin struktur bölmələri və qurumlarının 40-a yaxın əməkdaşı, həmçinin, digər dövlət qurumlarının 15-ə yaxın nümayəndəsi iştirak etmişdir.

Seminarın keçirilməsində məqsəd qurumlararası səviyyədə təbii fəlakətlərə və texnogen qəzalara hazırlıq üzrə qarşılıqlı təcrübənin bölüşdürülməsi olmuşdur.

Tədbirdə Azərbaycanın Aran rayonlarında baş vermiş subasma ilə bağlı video təqdimatı edilmiş, subasmanın nəticələrinin aradan qaldırılması işləri barədə ABŞ ekspertlərinin iştirakı ilə fikir mübadiləsi aparılmışdır. Həmçinin subasma, bu barədə xəbərdarlıq tədbirləri və daşqın dövründə coğrafi məlumat sistemindən istifadə olunması qaydaları barədə təqdimatlar dinlənilmişdir.

Növbəti günlərdə 2010-cu ildə Meksika körfəzində baş vermiş neft dağılması barədə ABŞ tərəfinin geniş təqdimatı diqqətə çatdırılmış, bu istiqamətdə müzakirələr aparılmışdır. Bundan başqa, bu ilin yanvar ayında Haitidə baş vermiş zəlzələnin nəticələrinin aradan qaldırılmasında ABŞ-ın tibbi heyətinin rolu və töhfəsi barədə təqdimat edilmişdir.

Tədbirin ikinci hissəsi simulyasiya mərkəzində tədbir iştirakçıları üçün ayrılmış ayrı-ayrı otaqlarda masaüstü təlimlə davam etdirilmişdir.

Təlimin əvvəlcədən hazırlanmış ssenarisi subasma və neft dağılmalarına həsr olunmuş mövzular üzərində qurulmuşdur. Ssenaridə nazirliyin xilasetmə qurumlarının qüvvə və vasitələrinin baş vermiş təbii və texnogen xarakterli fövqəladə halların nəticələrinin aradan qaldırılması üzrə fəaliyyətinin təşkili, əsas qüvvə və vasitələrin fövqəladə hadisə rayonlarına cəmləşməsi, qəza-xilasetmə və digər təxirəsalınmaz işlərin koordinasiya edilməsi üçün əməliyyat qərargahlarının yaradılması, digər dövlət orqanlarının qüvvələri ilə qarşılıqlı əlaqənin qurulması, insаnlаrın хilаs еdilməsi, оnlаrа ilkin tibbi yаrdımın göstərilməsi və təhlükəsiz zоnаyа köçürülməsi, dənizə dağılan nеftin yayılmasının qarşısının alınması və yığılmаsı tədbirlərinin həyаtа kеçirilməsi müddəaları öz əksini tapmışdır.

Tədbirin son günü keçirilmiş təlim iştirakçılar tərəfindən birlikdə ətraflı müzakirə olunmuş və təhlillər aparılmışdır.

Digər məlumatlar

“Serbiya-2018” beynəlxalq təlimində fərqlənmiş FHN əməkdaşları təltif olunmuşlar

17 oktyabr 2018-ci il tarixində Fövqəladə Hallar Nazirliyində “Serbiya-2018” beynəlxalq təlimində fərqlənmiş bir qrup FHN əməkdaşının təltif olunması mərasimi keçirilmişdir. Təltifləri təlim iştirakçılarına təqdim edən fövqəladə hallar nazirinin müavini general-leytenant Etibar Mirzəyev onları təbrik edərək xidmətdə uğurlar arzulamışdır. ...

Ardını oxu

Fövqəladə hallar naziri Kəmaləddin Heydərov Badamdar şosesində baş verən sürüşmə zonasında olmuşdur

Oktyabrın 13-də Fövqəladə hallar naziri general-polkovnik Kəmaləddin Heydərov  Badamdar şosesində baş verən sürüşmə zonasında olmuşdur. Nazir sürüşmə zonasındakı vəziyyətlə yaxından tanış olmuş, lazımi işlərin görülməsi ilə əlaqədar nazirliyin müvafiq qurumlarının rəhbərlərinə tapşırıqlar vermişdir.​...

Ardını oxu

Azərbaycanda yanğınsöndürmə xidmətinin yaradılmasının 100 illiyi münasibətilə tədbir keçirilmişdir

Fövqəladə Hallar Nazirliyinin Həmkarlar İttifaqı 10 oktyabr 2018-ci il tarixində FHN-in Binəqədi rayon Dövlət Yanğından Mühafizə İdarəsində Azərbaycanda yanğınsöndürmə xidmətinin yaradılmasının 100 illiyi münasibətilə təntənəli tədbir keçirmişdir. ...

Ardını oxu