Geri

Fövqəladə Hallar Nazirliyinin bir qrup əməkdaşı ikinci yay məktəbinin ixtisasartırma kursunda iştirak etmişdir

Azərbaycan Respublikası Fövqəladə Hallar Nazirliyinin əməkdaşları 19-31 iyul 2010-cu il tarixlərində Almaniya Federativ Respublikasının Federal Daxili İşlər Nazirliyinin Mülki müdafiə və fövqəladə hallar üzrə federal idarəsinin Akademiyası tərəfindən təşkil olunmuş ikinci yay məktəbinin ixtisasartırma kursunda iştirak etmişlər. Kursun keçirilməsində məqsəd Almaniyanın təhlükəsizlik sistemi (mülki müdafiə, xilasetmə, polis, silahlı qüvvələr və xüsusi xidmət orqanları), habelə federal, əyalət və yerli idarəçilik quruluşu barədə tədbir iştirakçılarına məlumat verməkdən ibarət olmuşdur.

Kurs Almaniya, Niderland və İtaliyanın müxtəlif universitetlərindən dəvət almış tələbələr, habelə Konqo, Nigeriya, Qana, Misir, Hindistandan gəlmiş iştirakçılardan ibarət olmuşdur. İştirakçıların ümumi sayı 120 nəfərdən çox olmuşdur. Kurs dövründə iştirakçılara Almaniyanın mülki müdafiə sistemi, fövqəladə hallar zamanı liderlik üslubu, risk və böhran zamanı kommunikasiya və vacib infrastruktur obyektlərinin qorunması və təhlükəsizliyi, qlobal təbii fəlakətlərin nəticələrinin aradan qaldırılması işinin təşkili barədə məlumatlar verilmişdir. İştirakçılar, eyni zamanda, Ahrvayler şəhərinin yanğınsöndürmə deposu, Almaniya Federativ Respublikasının soyuq müharibə dövrünə aid olan federal bunker və idarəetmə mərkəzinə səfər etmişlər. Sonda kursda iştirak edən iştirakçılara müvafiq sertifikatlar təqdim olunmuşdur.

Digər məlumatlar

Fövqəladə Hallar Nazirliyində hərbi attaşelərlə görüş keçirilmişdir

Azərbaycan Respublikasının Fövqəladə Hallar Nazirliyinin Böhran Vəziyyətlərində İdarəetmə Mərkəzində  20 aprel 2018-ci il tairixində ölkəmizdə akkreditə olunmuş xarici ölkə səfirliklərinin hərbi attaşeləri ilə görüş keçirilmişdir. ...

Ardını oxu

Azərbaycan Respublikası fövqəladə hallar nazirinin səlahiyyətlərini icra edən Kəmaləddin Heydərov Beynəlxalq Atom Enerjisi Agentliyinin baş direktoru Yukiya Amano ilə görüşmüşdür

Azərbaycan Respublikası fövqəladə hallar nazirinin səlahiyyətlərini icra edən general-polkovnik Kəmaləddin Heydərov aprelin 19-da Beynəlxalq Atom Enerjisi Agentliyinin baş direktoru Yukiya Amano ilə görüşmüşdür. ...

Ardını oxu

FHN Akademiyasında “Azərbaycan Respublikası - Azərbaycan Xalq Cümhuriyyətinin varisidir” mövzusunda elmi-praktik konfrans keçirilmişdir

FHN Akademiyasında 17 aprel 2018-ci il tarixində Fövqəladə Hallar Nazirliyinin və Azərbaycan Milli Elmlər Akademiyasının birgə təşkilatçılığı ilə Azərbaycan Xalq Cümhuriyyətinin 100 illik yubileyinə həsr olunmuş “Azərbaycan Respublikası - Azərbaycan Xalq Cümhuriyyətinin varisidir” mövzusunda elmi-praktik konfrans keçirilmışdir. ...

Ardını oxu