Geri

Küveyt Dövlətinin Daxili İşlər Nazirliyinin Mülki Müdafiə Komitəsinin sədri Azərbaycana səfər etmişdir

17-20 may 2010-cu il tarixlərində Küveyt Dövlətinin Daxili İşlər Nazirliyinin Mülki Müdafiə Komitəsinin sədri general Yusif əl-Roudanın rəhbərlik etdiyi nümayəndə heyəti Azərbaycana səfər etmişdir. Səfər zamanı əsas məqsəd fövqəladə hallarla mübarizə üzrə müvafiq dövlət qurumları arasında əlaqələrin qurulması və inkişaf etdirilməsi, gələcək əməkdaşlıq perspektivləri və qarşılıqlı maraq doğuran məsələlərin müzakirəsi olmuşdur.

Səfər zamanı Azərbaycan Respublikasının fövqəladə hallar naziri Kəmaləddin Heydərovla görüş olmuşdur. Nazir Kəmaləddin Heydərov nazirliyin fəaliyyəti, habelə respublika ərazisində baş verən daşqınlar, fəlakətin qarşısının alınması və nəticələrinin aradan qaldırılması istiqamətində görülən tədbirlər barəsində qonaqlara məlumat vermişdir. Yusif əl-Rouda öz növbəsində həyata keçirilən tədbirləri yüksək qiymətləndirmişdir. Görüşdə hər iki ölkənin müvafiq qurumları arasında əməkdaşlıq əlaqələrinin qurulması və inkişaf etdirilməsi istiqamətində fikir mübadiləsi aparılmışdır.

Səfər çərçivəsində qonaqlar Fövqəladə Hallar Nazirliyinin qurumlarının fəaliyyəti ilə tanış olmuşdur. Qonaq Yusif əl-Rouda Nazirliyin maddi-texniki imkanları və kadr hazırlığını yüksək qiymətləndirmişdir.

 



Digər məlumatlar

FHN Mətbuat xidmətinin məlumatı (Video)

Azərbaycan Respublikasının Birinci vitse-prezidenti Mehriban xanım Əliyevanın tapşırığı ilə Böyük Şor gölündə yaranmış ekoloji problemin aradan qaldırılması istiqamətində zəruri tədbirlərin görülməsinə başlanılıb. ...

Ardını oxu

FHN Akademiyasına sənəd qəbulu 8-19 iyul 2020-ci il tarixlərində məsafədən davam etdiriləcək

Fövqəladə Hallar Nazirliyinin Akademiyasına qəbul olmaq istəyən namizədlər aşağıda qeyd olunan sənədləri pdf formatında 8-19 iyul 2020-ci il tarixlərində sqk@fhn.gov.az elektron ünvanına göndərməklə namizəd kimi qeydə alınacaqlar......

Ardını oxu

Koronaviruslu xəstələrin müalicəsi üçün Bakının Xətai rayonunda modul tipli hospitalın açılışı olub
Prezident İlham Əliyev və birinci xanım Mehriban Əliyeva açılışda iştirak ediblər

İyulun 6-da Azərbaycan Respublikasının Prezidenti İlham Əliyev və birinci xanım Mehriban Əliyeva Bakının Xətai rayonunda Fövqəladə Hallar Nazirliyinin Tibb Mərkəzinin koronaviruslu xəstələrin müalicəsi üçün nəzərdə tutulan modul tipli hospitalının açılışında iştirak ediblər....

Ardını oxu