Geri

Bakıda NATO-nun Ali Mülki Fövqəladə Planlaşdırma Komitəsinin plenar iclası keçirilir

Mayın 18-də Bakı şəhərində Fövqəladə Hallar Nazirliyinin təşkilatçılığı ilə NATO-nun Avro-Atlantika Tərəfdaşlıq Şurası (AATŞ) çərçivəsində Ali Mülki Fövqəladə Planlaşdırma Komitəsinin (AMFPK) plenar iclası öz işinə başlamışdır. Ümumilikdə, iclasda 40-dan çox dövlətin nümayəndəsi iclasda iştirak edir.

İclası giriş sözü ilə açan NATO-nun Əməliyyat Planlaması üzrə Baş katibinin müavini, səfir Maurits Yohems dəyərli əməkdaşlığa və plenar iclasın yüksək səviyyədə təşkili edilməsinə görə Azərbaycan tərəfinə öz təşəkkürünü bildirib.

Sonra Azərbaycan Respublikasının fövqəladə hallar naziri general-polkovnik Kəmaləddin Heydərov qısa giriş nitqi ilə çıxış edib. Nazir çıxışında Azərbaycanla NATO arasında artan tərəfdaşlığın dinamikasını, o cümlədən mülki fövqəladə planlaşdırma sahəsində əməkdaşlığın xüsusi vacibliyini vurğulayıb. AATŞ məkanında təbii və texnogen xarakterli fəlakətlərin başvermə tezliyini yada salaraq, bu sahədə əməkdaşlığın daha da möhkəmləndirilməsinin əhəmiyyətini qeyd edib. Azərbaycan bu əməkdaşlığa əlavə dəyər verən töhfələr üçün səylər göstərməyə davam edəcək. Bundan başqa, nazir Azərbaycanın beynəlxalq xilasetmə əməliyyatlarına da töhfə verməyə qadir olduğunu vurğulayıb.

Həmçinin, fövqəladə hallar naziri general-polkovnik Kəmaləddin Heydərov respublika ərazisində baş verən fəlakət və daşqınların qarşısının alınması və nəticələrinin aradan qaldırılması istiqamətində görülən tədbirlər barəsində də iclas iştirakçılarına məlumat verib.

Xatirladaq ki, NATO-nun AMFPK öz plenar iclasını müstəsna hallarda NATO-nun Brüsseldəki Mənzil Qərargahından kənarda keçirir. Bu plenar iclasın Azərbaycanda keçirilməsi NATO-nun Azərbaycanla tərəfdaşlığının, o cümlədən mülki fövqəladə planlaşdırma sahəsində əməkdaşlığın vacibliyinin tanınmasının göstəricisidir.

Plenar iclas sabah öz işini NATO müttəfiqlər formatında davam etdirəcək.



Digər məlumatlar

FHN Mətbuat xidmətinin məlumatı (Video)

Azərbaycan Respublikasının Birinci vitse-prezidenti Mehriban xanım Əliyevanın tapşırığı ilə Böyük Şor gölündə yaranmış ekoloji problemin aradan qaldırılması istiqamətində zəruri tədbirlərin görülməsinə başlanılıb. ...

Ardını oxu

FHN Akademiyasına sənəd qəbulu 8-19 iyul 2020-ci il tarixlərində məsafədən davam etdiriləcək

Fövqəladə Hallar Nazirliyinin Akademiyasına qəbul olmaq istəyən namizədlər aşağıda qeyd olunan sənədləri pdf formatında 8-19 iyul 2020-ci il tarixlərində sqk@fhn.gov.az elektron ünvanına göndərməklə namizəd kimi qeydə alınacaqlar......

Ardını oxu

Koronaviruslu xəstələrin müalicəsi üçün Bakının Xətai rayonunda modul tipli hospitalın açılışı olub
Prezident İlham Əliyev və birinci xanım Mehriban Əliyeva açılışda iştirak ediblər

İyulun 6-da Azərbaycan Respublikasının Prezidenti İlham Əliyev və birinci xanım Mehriban Əliyeva Bakının Xətai rayonunda Fövqəladə Hallar Nazirliyinin Tibb Mərkəzinin koronaviruslu xəstələrin müalicəsi üçün nəzərdə tutulan modul tipli hospitalının açılışında iştirak ediblər....

Ardını oxu