Geri

Dövlət Yanğın Nəzarəti Xidməti Daxili Qoşunların hospitalında yanğına qarşı təbliğat günü keçirmişdir

Fövqəladə Hallar Nazirliyi yanğın təhlükəsizliyi ilə bağlı əhalinin maarifləndirilməsi işini təşkil etmək, dövlət orqanları və ictimai təşkilatlar tərəfindən bu istiqamətdə aparılan işlərə metodiki köməklik göstərmək istiqamətində məqsədyönlü fəaliyyətini davam etdirir.

Bu günlərdə Fövqəladə Hallar Nazirliyinin Dövlət Yanğın Nəzarəti Xidmətinin Yanğına qarşı təbliğat şöbəsi və Xüsusi və qapalı obyektlərə nəzarət sektoru tərəfindən Daxili İşlər Nazirliyinin Daxili Qoşunlarının hospitalında keçirilən yanğına qarşı təbliğat günündə adı çəkilən tibb ocağının tibb və texniki heyəti yanğın təhlükəsizliyi ilə bağlı müvafiq biliklərlə maarifləndirilmişdir. Belə ki, hospitalın əməkdaşlarına - tibb və texniki heyətə səhiyyə obyektlərində yanğın təhlükəsizliyinə əməl olunması qaydalarının ümumi müddəaları öyrədilməklə yanaşı, tibb ocaqlarında ərazilərin və binaların saxlanılması, fizioterapiya kabinetlərində, rentgen plyonkalarının arxiv otaqlarında, isitmə sistemində, işıq və qızdırıcı cihazların istismarı zamanı yanğın təhlükəsizliyi qaydalarının tələbləri haqda geniş izahat verilmişdir.   

Dövlət Yanğın Nəzarəti Xidmətinin əməkdaşları tərəfindən Daxili Qoşunların hospitalında keçirilən yanğına qarşı təbliğat günündə tibb və texniki heyətə ilkin yanğınsöndürmə vasitələrinin tətbiq olunması qaydaları, yanğın zamanı zəruri hərəkətlər öyrədilməklə yanaşı, yanğın təhlükəsizliyinin təmin olunması üçün növbətçi həkim və xidməti heyətin üzərinə düşən vəzifələr  açıqlanmışdır.

Fövqəladə Hallar Nazirliyi Dövlət Yanğın Nəzarəti Xidmətinin Daxili İşlər Nazirliyinin Daxili Qoşunlarının hospitalında keçirdiyi yanğına qarşı təbliğat günü çərçivəsində tibb ocağının ərazisinə, laboratoriyalarına, ixtisaslaşdırılmış kabinetlərinə yanğın-texniki baxış keçirilmiş, müvafiq tövsiyələr verilmişdir.

Maarifləndirmə işlərinin səmərəsini artırmaq məqsədilə hospitalda Dövlət Yanğın Nəzarəti Xidmətində hazırlanmış yanğına qarşı təbliğat xarakterli kitabça, plakat və yaddaş vərəqələri paylanmışdır.

Digər məlumatlar

“Serbiya-2018” beynəlxalq təlimində fərqlənmiş FHN əməkdaşları təltif olunmuşlar

17 oktyabr 2018-ci il tarixində Fövqəladə Hallar Nazirliyində “Serbiya-2018” beynəlxalq təlimində fərqlənmiş bir qrup FHN əməkdaşının təltif olunması mərasimi keçirilmişdir. Təltifləri təlim iştirakçılarına təqdim edən fövqəladə hallar nazirinin müavini general-leytenant Etibar Mirzəyev onları təbrik edərək xidmətdə uğurlar arzulamışdır. ...

Ardını oxu

Fövqəladə hallar naziri Kəmaləddin Heydərov Badamdar şosesində baş verən sürüşmə zonasında olmuşdur

Oktyabrın 13-də Fövqəladə hallar naziri general-polkovnik Kəmaləddin Heydərov  Badamdar şosesində baş verən sürüşmə zonasında olmuşdur. Nazir sürüşmə zonasındakı vəziyyətlə yaxından tanış olmuş, lazımi işlərin görülməsi ilə əlaqədar nazirliyin müvafiq qurumlarının rəhbərlərinə tapşırıqlar vermişdir.​...

Ardını oxu

Azərbaycanda yanğınsöndürmə xidmətinin yaradılmasının 100 illiyi münasibətilə tədbir keçirilmişdir

Fövqəladə Hallar Nazirliyinin Həmkarlar İttifaqı 10 oktyabr 2018-ci il tarixində FHN-in Binəqədi rayon Dövlət Yanğından Mühafizə İdarəsində Azərbaycanda yanğınsöndürmə xidmətinin yaradılmasının 100 illiyi münasibətilə təntənəli tədbir keçirmişdir. ...

Ardını oxu