Geri

Fövqəladə Hallar Nazirliyinin qurumları arasında armrestlinq üzrə çempionat keçirilmişdir

Nazirlik sistemində idmanın müxtəlif növlərinin təbliğ olunması, işçilərin fiziki hazırlığının yüksəldilməsi və onların asudə vaxtlarının səmərəli təşkilində idman tədbirlərinin rolunun artırılması məqsədi ilə təsdiq edilmiş "Azərbaycan Respublikasının Fövqəladə Hallar Nazirliyi üzrə keçiriləcək idman yarışları və çempionatların əsasnaməsi"nə uyğun olaraq, aprelin 20-də Fövqəladə Hallar Nazirliyinin qurumları arasında növbəti armrestlinq üzrə çempionat keçirilmişdir. Çempionatda 17 komandadan 80-ə yaxın idmançı 6 çəki dərəcəsində öz güclərini sınamışlar. Yarışları beynəlxalq dərəcəli hakim Azad Mustafayev və respublika dərəcəli hakim Vaqif Hüseynov idarə etmişdir.

Nəticədə, komanda hesabı üzrə birinciliyi Dövlət Sularda Xilasetmə Xidmətinin (DSXX) komandası əldə edib. İkinci və üçüncü yerləri isə müvafiq olaraq Mülki müdafiə qoşunlarının (MMQ) və FHN Akademiyasının komandaları tutublar.

Şəxsi birinciliyə görə, 65kq çəki dərəcəsində birinci yeri Fərid Məmmədov (Xüsusi Riskli Xilasetmə Xidməti (XRXX)), ikinci yeri Röyal Hüseynov (Akademiya), üçüncü yeri Sərxan Rüstəmov (DSXX), 70kq çəki dərəcəsində birinci yeri Abbas Paşayev (Dövlət Yanğından Mühafizə Xidməti (DYMX)), ikinci yeri Səmədağa Paşayev (Akademiya), üçüncü yeri Beyrək Bağırov (MMQ), 75kq çəki dərəcəsində birinci yeri Yavər Novruzov (MMQ), ikinci yeri Vüsal Əsgərov (Akademiya), üçüncü yeri Adil Cəfərov (DSXX), 80kq çəki dərəcəsində birinci yeri İbrahim Məhərrəmov (MMQ), ikinci yeri Fərhad Tağıyev (DSXX), üçüncü yeri Rasim Əzimov (DYMX), 90kq çəki dərəcəsində birinci yeri Yalçın Məmmədov (XRXX), ikinci yeri Əsəd Babayev (DSXX), üçünücü yeri Elçin Rzayev (Akademiya), 90kq-dan yuxarı çəki dərəcəsində birinci yeri Rəşad Hacıyev (Sumqayıt Regional Mərkəzi), ikinci yeri Samir Hüseynov (Dövlət Yanğın Nəzarəti Xidməti), üçüncü yeri isə Faiq Əhmədov (XRXX) qazanmışdır.

Çempionatın bağlanış mərasimində çıxış edən FHN İdman-sağlamlıq klubunun rəisi Fizuli Musayev qalib gəlmiş komandaları və idmançıları təbrik etmişdir. Çempionatda birinci, ikinci və üçüncü yerləri tutmuş komandalar kuboklarla təltif olunmuş, şəxsi birincilikdə fərqlənən idmançılar isə medal və qiymətli hədiyyələrlə mükafatlandırılmışlar.

Digər məlumatlar

“Serbiya-2018” beynəlxalq təlimində fərqlənmiş FHN əməkdaşları təltif olunmuşlar

17 oktyabr 2018-ci il tarixində Fövqəladə Hallar Nazirliyində “Serbiya-2018” beynəlxalq təlimində fərqlənmiş bir qrup FHN əməkdaşının təltif olunması mərasimi keçirilmişdir. Təltifləri təlim iştirakçılarına təqdim edən fövqəladə hallar nazirinin müavini general-leytenant Etibar Mirzəyev onları təbrik edərək xidmətdə uğurlar arzulamışdır. ...

Ardını oxu

Fövqəladə hallar naziri Kəmaləddin Heydərov Badamdar şosesində baş verən sürüşmə zonasında olmuşdur

Oktyabrın 13-də Fövqəladə hallar naziri general-polkovnik Kəmaləddin Heydərov  Badamdar şosesində baş verən sürüşmə zonasında olmuşdur. Nazir sürüşmə zonasındakı vəziyyətlə yaxından tanış olmuş, lazımi işlərin görülməsi ilə əlaqədar nazirliyin müvafiq qurumlarının rəhbərlərinə tapşırıqlar vermişdir.​...

Ardını oxu

Azərbaycanda yanğınsöndürmə xidmətinin yaradılmasının 100 illiyi münasibətilə tədbir keçirilmişdir

Fövqəladə Hallar Nazirliyinin Həmkarlar İttifaqı 10 oktyabr 2018-ci il tarixində FHN-in Binəqədi rayon Dövlət Yanğından Mühafizə İdarəsində Azərbaycanda yanğınsöndürmə xidmətinin yaradılmasının 100 illiyi münasibətilə təntənəli tədbir keçirmişdir. ...

Ardını oxu