Geri

Dövlət Yanğın Nəzarəti Xidməti Daxili İşlər Nazirliyinin Daxili Qoşunlarının hərbi hissələrində yanğın təhlükəsizliyi günləri keçirmişdir

Daxili İşlər Nazirliyinin Daxili Qoşunlarının hərbi hissələrində təşkil etdiyi görüşlərdə Dövlət Yanğın Nəzarəti Xidmətinin əməkdaşları hissələrdə yanğından mühafizə planlarının tərtib olunması, şəxsi heyətə yanğın təhlükəsizliyi qaydalarının və yanğınsöndürmə zamanı hərəkətlərin öyrədilməsi işi ilə maraqlanmış, hərbi hissələrin ərazisində müvafiq norma üzrə su və digər yanğınsöndürmə vasitələri ehtiyatlarının, habelə yaxınlıqdakı şəhər (rayon) yanğın təhlükəsizliyi bölmələri ilə rabitə əlaqəsinin vəziyyəti ilə tanış olmuşlar. Onlar, həmçinin, yanğınsöndürmə avtomobillərinə və motopompalara, yerli və səyyar yanğınsöndürmə qurğularına, yanğın hidrantlarına, avtomatik yanğınsöndürmə qurğularına, yanğın su tutarlarına, yanğın siqnalizasiya sisteminə də baxış keçirmişlər.

Hərbi hissələrdəki görüşlər zamanı əsgərlərə yanğına qarşı təbliğat xarakterli dərs keçirilmiş və hərbi hissələrdə maarifləndirmə işlərinin səmərəsini artırmaq məqsədilə Dövlət Yanğın Nəzarəti Xidmətində hazırlanmış yanğına qarşı təbliğat xarakterli kitabça, plakat və yaddaş vərəqələri paylanmışdır.   

Digər məlumatlar

Quba rayonunda dağlıq ərazidə itkin düşmüş alpinistlərin axtarışları ilə əlaqədar Əməliyyat Qərargahının məlumatı

Quba rayonu ərazisində itkin düşmüş alpinistlərin axtarışları yanvarın 17-də davam etmişdir. Axtarış işləri Fövqəladə Hallar Nazirliyinin peşəkar xilasedicilərdən ibarət dəstələrinin, Ekologiya və Təbii Sərvətlər Nazirliyinin əməkdaşlarının və peşəkar alpinistlərdən ibarət könüllü dəstələrin iştirakı, həmçinin müvafiq texnika və xilasetmə avadanlıqlarının tətbiqi ilə aparılır. ...

Ardını oxu

Kiçikhəcmli Gəmilərə Nəzarət və Sularda Xilasetmə Dövlət Xidməti kiçikhəcmli gəmilərə texniki baxış keçirəcəkdir

Azərbaycan Respublikası Fövqəladə Hallar Nazirliyinin Kiçikhəcmli Gəmilərə Nəzarət və Sularda Xilasetmə Dövlət Xidmətində 2018-ci il ərzində kiçikhəcmli gəmilərə texniki baxış aşağıdakı cədvələ uyğun keçiriləcəkdir: ...

Ardını oxu