Geri

GUAM-ın Fövqəladə hallar üzrə İşçi Qrupunun üçüncü iclası keçirilmişdir

30 mart 2010-cu il tarixində Ukraynanın Kiyev şəhərində Demokratiya və İqtisadi İnkişaf uğrunda Təşkilat - GUAM-ın Fövqəladə hallar üzrə İşçi Qrupunun üçüncü iclası keçirilmişdir. İclasa Ukraynanın Fövqəladə hallar və əhalinin Çernobıl qəzasının nəticələrindən qorunması nazirinin birinci müavini, fövqəladə hallar üzrə İşçi Qrupunun rəhbəri V.P Butu və GUAM-ın baş katibi V.Çeçelaşvili rəhbərlik etmişdir. İclasda, həmçinin, GUAM-a üzv ölkələrin nümayəndələri və Yaponiyanın Ukraynadakı səfirliyinin birinci katibi Kondo Şunsuke iştirak etmişdir. Azərbaycan Respublikası Fövqəladə Hallar Nazirliyinin nümayəndələri də iclasda iştirak etmişlər.

İclasda fövqəladə hallar üzrə İşçi Qrupunun 2009-cu il üzrə fəaliyyət planının həyata keçirilməsi barədə hesabat dinlənilmiş və 2010-cu il ərzində görüləcək işlər müəyyən edilmişdir.

İclas zamanı GUAM-a üzv dövlətlərin fövqəladə halların idarə olunması və nəticələrinin aradan qaldırılması sahəsində ümumi siyasətinin formalaşdırılması və həyata keçirilməsi istiqamətində məsələlər müzakirə edilmişdir.

GUAM üzv-dövlətlərin qoşulduğu "Fövqəladə halların xəbərdar edilməsi və nəticələrinin aradan qaldırılması sahəsində hökumətlərarası əməkdaşlıq barədə Saziş"in 2010-2011-ci illər üzrə müddəalarının yerinə yetirilməsi məqsədilə birgə tədbirlər planı razılaşdırılmışdır.

İclasda təbii və texnogen xarakterli fövqəladə halların baş verməsi zamanı GUAM-a üzv dövlətlərin məlumatlandırılması, kadrların hazırlanması və təhsil sahəsində əməkdaşlıq məsələləri müzakirə olunmuşdur.

İclasda, həmçinin, Fövqəladə hallar üzrə İşçi Qrupu GUAM-a üzv dövlətlərin nümayəndələrinin Şərq tərəfdaşlığı çərçivəsində digər təşkilatlarla, o cümlədən təbii və texnogen xarakterli fövqəladə halların idarə olunması və nəticələrinin aradan qaldırılması sahəsində geniş təcrübəyə malik müvafiq qurumlarla təcrübə mübadiləsinin davam etdirilməsini tövsiyə etmişdir.

Digər məlumatlar

Fövqəladə Hallar Nazirliyində hərbi attaşelərlə görüş keçirilmişdir

Azərbaycan Respublikasının Fövqəladə Hallar Nazirliyinin Böhran Vəziyyətlərində İdarəetmə Mərkəzində  20 aprel 2018-ci il tairixində ölkəmizdə akkreditə olunmuş xarici ölkə səfirliklərinin hərbi attaşeləri ilə görüş keçirilmişdir. ...

Ardını oxu

Azərbaycan Respublikası fövqəladə hallar nazirinin səlahiyyətlərini icra edən Kəmaləddin Heydərov Beynəlxalq Atom Enerjisi Agentliyinin baş direktoru Yukiya Amano ilə görüşmüşdür

Azərbaycan Respublikası fövqəladə hallar nazirinin səlahiyyətlərini icra edən general-polkovnik Kəmaləddin Heydərov aprelin 19-da Beynəlxalq Atom Enerjisi Agentliyinin baş direktoru Yukiya Amano ilə görüşmüşdür. ...

Ardını oxu

FHN Akademiyasında “Azərbaycan Respublikası - Azərbaycan Xalq Cümhuriyyətinin varisidir” mövzusunda elmi-praktik konfrans keçirilmişdir

FHN Akademiyasında 17 aprel 2018-ci il tarixində Fövqəladə Hallar Nazirliyinin və Azərbaycan Milli Elmlər Akademiyasının birgə təşkilatçılığı ilə Azərbaycan Xalq Cümhuriyyətinin 100 illik yubileyinə həsr olunmuş “Azərbaycan Respublikası - Azərbaycan Xalq Cümhuriyyətinin varisidir” mövzusunda elmi-praktik konfrans keçirilmışdir. ...

Ardını oxu