Geri

Fövqəladə Hallar Nazirliyinin qurumları arasında daşqaldırma üzrə çempionat keçirilib

Martın 30-da FHN Mülki müdafiə qoşunlarının (MMQ) alayında Fövqəladə Hallar Nazirliyinin qurumları arasında daşqaldırma üzrə çempionat keçirilib.

Müxtəlif qurumları təmsil edən 16 yığma komandanın iştirak etdiyi yarışda 70-dən artıq idmançı öz gücünü sınayıb. Çempionatı açıq elan edən FHN İdman-sağlamlıq klubunun rəisi polkovnik Fizuli Musayev idmançıları salamlayaraq onlara uğurlar arzulayıb.

24 kiloqramlıq daşla birdən və təkanla qaldırma tapşırıqlarını yerinə yetirən iştirakçılar altı çəki dərəcəsində növbə ilə meydana çıxaraq öz güclərini sınayıblar. Çox maraqlı və qızğın mübarizə şəraitində keçən yarışa beynəlxalq dərəcəli hakim Azad Mustafayev və respublika dərəcəli hakim Vaqif Hüseynov rəhbərlik ediblər. Komanda və şəxsi birincilik üzrə qaliblər müəyyən olunduqdan sonra mükafatlandırma mərasimi keçirilib.

Nəticədə, komanda hesabı üzrə birinciliyi MMQ komandası əldə edib. İkinci və üçüncü yerləri isə müvafiq olaraq Xüsusi Riskli Xilasetmə Xidməti (XRXX) və Dövlət Yanğından Mühafizə Xidmətinin (DYMX) komandaları tutublar. Şəxsi birinciliyə görə, 60kq çəki dərəcəsində birinci yeri Rüstəm Allahverdiyev (Aviasiya dəstəsi), ikinci yeri Elşən Yaqubov (XRXX), üçüncü yeri Dilqəm Əliyev (MMQ), 65kq çəki dərəcəsində birinci yeri Beyrək Bağırov (MMQ), ikinci yeri Nizami Məmmədov (MMQ), üçüncü yeri Vadim Qorelifev (XRXX), 70kq çəki dərəcəsində birinci yeri Mətləb Mamedov (MMQ), ikinci yeri Orxan Hüseynov (Dövlət Sularda Xilasetmə Xidməti), üçüncü yeri Elman Hətəmov (DYMX), 80kq çəki dərəcəsində birinci yeri Ayaz Həsənov (XRXX), ikinci yeri Kamran Dadaşov (MMQ), üçüncü yeri Zakir Zeynalov (Sumqayıt Regional Mərkəzi), 90kq çəki dərəcəsində birinci yeri Fərid Bədəlov (MMQ), ikinci yeri Rəşad Səttarzadə (DYMX), üçüncü yeri Pərvin İmanov (MMQ), 90kq-dan yuxarı çəki dərəcəsində isə birinci yeri Ədalət Qasımov (DYMX), ikinci yeri Çingiz Rzayev (FHN Aparatı), üçüncü yeri Xəqani Məmmədov (MMQ) qazanmışlar.

Qalib gəlmiş komandalar kuboklarla, şəxsi birincilikdə qalib gələnlər isə medal və hədiyyələrlə mükafatlandırılmışlar.  

Digər məlumatlar

“Serbiya-2018” beynəlxalq təlimində fərqlənmiş FHN əməkdaşları təltif olunmuşlar

17 oktyabr 2018-ci il tarixində Fövqəladə Hallar Nazirliyində “Serbiya-2018” beynəlxalq təlimində fərqlənmiş bir qrup FHN əməkdaşının təltif olunması mərasimi keçirilmişdir. Təltifləri təlim iştirakçılarına təqdim edən fövqəladə hallar nazirinin müavini general-leytenant Etibar Mirzəyev onları təbrik edərək xidmətdə uğurlar arzulamışdır. ...

Ardını oxu

Fövqəladə hallar naziri Kəmaləddin Heydərov Badamdar şosesində baş verən sürüşmə zonasında olmuşdur

Oktyabrın 13-də Fövqəladə hallar naziri general-polkovnik Kəmaləddin Heydərov  Badamdar şosesində baş verən sürüşmə zonasında olmuşdur. Nazir sürüşmə zonasındakı vəziyyətlə yaxından tanış olmuş, lazımi işlərin görülməsi ilə əlaqədar nazirliyin müvafiq qurumlarının rəhbərlərinə tapşırıqlar vermişdir.​...

Ardını oxu

Azərbaycanda yanğınsöndürmə xidmətinin yaradılmasının 100 illiyi münasibətilə tədbir keçirilmişdir

Fövqəladə Hallar Nazirliyinin Həmkarlar İttifaqı 10 oktyabr 2018-ci il tarixində FHN-in Binəqədi rayon Dövlət Yanğından Mühafizə İdarəsində Azərbaycanda yanğınsöndürmə xidmətinin yaradılmasının 100 illiyi münasibətilə təntənəli tədbir keçirmişdir. ...

Ardını oxu