Geri

Dövlət Yanğın Nəzarəti Xidməti yanğın təhlükəsizliyi qaydalarına zidd hallara qarşı mübarizəni gücləndirir

Əhali və ərazilərin fövqəladə hadisələrdən, o cümlədən yanğın təhlükəsindən qorunması üçün Fövqəladə Hallar Nazirliyi qabaqlayıcı tədbirlərin həyata keçirilməsini davam etdirir. Nazirliyin Dövlət Yanğın Nəzarəti Xidməti, Sənayedə İşlərin Təhlükəsiz Görülməsi və Dağ-mədən Nəzarəti Dövlət Agentliyi ilə birgə yanğın təhlükəsizliyi qaydalarının tələblərinin pozulmasının qarşısını almaq məqsədilə, öz səlahiyyətləri çərçivəsində, yaşayış binalarının birinci mərtəbəsində, həmçinin, zirzəmi və yarımzirzəmilərdə fəaliyyət göstərən obyektlərdə yanğın təhlükəsizliyi qaydalarına riayət olunmasının vəziyyətini öyrənmək üçün Bakı şəhərinin rayonlarında operativ yanğın-texniki müayinələr keçirir. Müayinələr zamanı təbii və maye qazdan istifadə olunması ilə əlaqədar müvafiq qaydaların tələblərinə nə dərəcədə riayət olunması öyrənilməklə yanaşı, obyektlərdə yanğınxəbərverici siqnalizasiyanın, isitmə və havalandırma sistemlərinin, elektrik qurğularının sazlığı, ümumi təxliyyə yollarının, su təchizatı mənbələrinin vəziyyəti araşdırılmışdır.

Operativ-yanğın texniki müayinələr zamanı maarifləndirmə işlərinə də geniş yer ayrılmış, ticarət, ictimai iaşə müəssisələrinin rəhbərlərinin və işçilərinin diqqətinə bir daha çatdırılmışdır ki, yanğın təhlükəsizliyinin təmin edilməsinə görə məsuliyyəti obyektlərin rəhbərləri, inzibati heyəti və ya sahibkarlar daşıyırlar.

Müayinələr zamanı yanğın təhlükəsizliyi qaydalarının tələblərinə zidd olan çoxsaylı hallar da aşkar olunmuşdur. Bu halların aradan qaldırılması üçün Dövlət Yanğın Nəzarəti Xidməti qanunvericiliyə uyğun olaraq bütün zəruri tədbirləri həyata keçirir.

Digər məlumatlar

Fövqəladə Hallar Nazirliyində hərbi attaşelərlə görüş keçirilmişdir

Azərbaycan Respublikasının Fövqəladə Hallar Nazirliyinin Böhran Vəziyyətlərində İdarəetmə Mərkəzində  20 aprel 2018-ci il tairixində ölkəmizdə akkreditə olunmuş xarici ölkə səfirliklərinin hərbi attaşeləri ilə görüş keçirilmişdir. ...

Ardını oxu

Azərbaycan Respublikası fövqəladə hallar nazirinin səlahiyyətlərini icra edən Kəmaləddin Heydərov Beynəlxalq Atom Enerjisi Agentliyinin baş direktoru Yukiya Amano ilə görüşmüşdür

Azərbaycan Respublikası fövqəladə hallar nazirinin səlahiyyətlərini icra edən general-polkovnik Kəmaləddin Heydərov aprelin 19-da Beynəlxalq Atom Enerjisi Agentliyinin baş direktoru Yukiya Amano ilə görüşmüşdür. ...

Ardını oxu

FHN Akademiyasında “Azərbaycan Respublikası - Azərbaycan Xalq Cümhuriyyətinin varisidir” mövzusunda elmi-praktik konfrans keçirilmişdir

FHN Akademiyasında 17 aprel 2018-ci il tarixində Fövqəladə Hallar Nazirliyinin və Azərbaycan Milli Elmlər Akademiyasının birgə təşkilatçılığı ilə Azərbaycan Xalq Cümhuriyyətinin 100 illik yubileyinə həsr olunmuş “Azərbaycan Respublikası - Azərbaycan Xalq Cümhuriyyətinin varisidir” mövzusunda elmi-praktik konfrans keçirilmışdir. ...

Ardını oxu