Geri

FHN-nin Xüsusi Riskli Xilasetmə Xidmətinin yeni bazası və Dövlət Material Ehtiyatları Agentliyinin Dövlət Taxıl Fondu üzrə idarəsinin Səngəçal Taxıl Elevatoru istifadəyə verilmişdir

Bu gün Fövqəladə Hallar Nazirliyinin Xüsusi Riskli Xilasetmə Xidmətinin yeni bazası istifadəyə verilib. Açılış mərasimində fövqəladə hallar naziri general-polkovnik Kəmaləddin Heydərov iştirak edib. Baza qərargah binası, alpinist və yanğın-taktiki hazırlığı, tibb hazırlığı, dalğıc hazırlığı sinifləri, yataqxana, yeməkxana, tibb məntəqəsi və texnika parkından ibarətdir. Dalğıcların təlim-məşq prosesi çərçivəsində şərti olaraq suda batan avtomobilin çıxarılması və xəsarət alan sürücünün xilasetmə əməliyyatı nümayiş olundu. Məlumat verildi ki, bazada xilasedicilərin xidmət etməsi üçün lazım olan bütün şərait yaradılıb, baza zəruri xilasetmə texnikaları və avadanlıqlarla təmin olunub.

Bu gün, eyni zamanda, FHN-nin Dövlət Material Ehtiyatları Agentliyinin Dövlət Taxıl Fondu üzrə idarəsinin Səngəçal Taxıl Elevatoru da istismara verilib. Elevatorun istismara verilməsi ilə bağlı keçirilən tədbirdə fövqəladə hallar naziri Kəmaləddin Heydərov, iqtisadi inkişaf naziri Şahin Mustafayev və kənd təsərrüfatı naziri İsmət Abasov iştirak edib. Məlumat verildi ki, elevator hər birinin tutumu 10 min ton təşkil edən 10 saxlanc çənindən ibarətdir. Burada taxılın saxlanılması və mühafizə edilməsi üçün lazımi şərait yaradılıb. Səngəçal Taxıl Elevatorun normal iş rejimini təmin etmək üçün əraziyə dəmir yolu xətti və asfalt yol çəkilib. Daha sonra tədbir iştirakçıları elevatorun iş rejimi ilə tanış oldular.

Fövqəladə Hallar Naziri Kəmaləddin Heydərov jurnalistlərə açıqlamasında Dövlət Taxıl Fondunun Səngəçal Elevatorunun tikintisinin Azərbaycan Respublikasının Prezidenti cənab İlham Əliyevin bütün sahələrdə olduğu kimi, ərzaq təhlükəsizliyi sahəsində də verdiyi müdrik tapşırıq və göstərişlərinin nəticəsində reallaşdığını bildirdi. Onun sözlərinə görə, istifadəyə verilən elevator ölkənin taxıl təminatında mühüm rol oynayacaqdır.

Fövqəladə Hallar Nazirinin sözlərinə görə, Naxçıvan Muxtar Respublikasında da 30 min ton tutuma malik elevator tikilərək təhvil verilib. Gəncədə tikilən 60 min tonluq elevator bir aydan sonra təhvil veriləcək. Bundan başqa, tutumu 100 min ton olan elevatorun tikintisi də nəzərdə tutulur. Hazırda həmin anbarın yerinin dəqiqləşdirilməsi ilə bağlı işlər aparılır.  

Digər məlumatlar

Azərbaycan Respublikasının fövqəladə hallar naziri Kəmaləddin Heydərov tərəfindən Cəlilabad şəhərində vətəndaşların qəbulunun tarixi dəyişmişdir

Azərbaycan Respublikasının fövqəladə hallar naziri Kəmaləddin Heydərov tərəfindən 26 oktyabr 2018-ci il tarixində Cəlilabad şəhərində keçirilməsi nəzərdə tutulan vətəndaşların qəbulunun tarixi dəyişmişdir. Qəbulun tarixi barədə əlavə məlumat veriləcəkdir....

Ardını oxu

“Serbiya-2018” beynəlxalq təlimində fərqlənmiş FHN əməkdaşları təltif olunmuşlar

17 oktyabr 2018-ci il tarixində Fövqəladə Hallar Nazirliyində “Serbiya-2018” beynəlxalq təlimində fərqlənmiş bir qrup FHN əməkdaşının təltif olunması mərasimi keçirilmişdir. Təltifləri təlim iştirakçılarına təqdim edən fövqəladə hallar nazirinin müavini general-leytenant Etibar Mirzəyev onları təbrik edərək xidmətdə uğurlar arzulamışdır. ...

Ardını oxu

Fövqəladə hallar naziri Kəmaləddin Heydərov Badamdar şosesində baş verən sürüşmə zonasında olmuşdur

Oktyabrın 13-də Fövqəladə hallar naziri general-polkovnik Kəmaləddin Heydərov  Badamdar şosesində baş verən sürüşmə zonasında olmuşdur. Nazir sürüşmə zonasındakı vəziyyətlə yaxından tanış olmuş, lazımi işlərin görülməsi ilə əlaqədar nazirliyin müvafiq qurumlarının rəhbərlərinə tapşırıqlar vermişdir.​...

Ardını oxu