Geri

Fəlakət Riskinin Azaldılması üzrə Milli Platforma ilə bağlı seminar keçirilmişdir

Carı ilin oktyabr ayının 20-də Bakı şəhərində "BMT-nin Fəlakətlərin Azaldılması üzrə Beynəlxalq Strategiyası (UNISDR) Katibliyi Azərbaycan Respublikasının Fövqəladə Hallar Nazirliyi ilə birgə Fəlakət Riskinin Azaldılması üzrə Milli Platforma ilə bağlı seminar keçirmişdir.

Seminar iştirakçılarını salamlayan fövqəladə hallar nazirinin müavini general-mayor Etibar Mirzəyev fövqəladə halların qarşısının alınması və nəticələrinin aradan qaldırılması sahəsində nazirliyin gördüyü işlər, qazandığı uğurlar haqqında danışmış, seminarın əhəmiyyətini xüsusi qeyd etmişdir.

UNISDR Cənubi Asiya və Qafqaz regionu üzrə regional əlaqələndiricisi Gülsarə Pulatova Fəlakətlərin Azaldılması üzrə Beynəlxalq Strategiya haqqında ətraflı məlumat vermiş, həmin strategiya çərçivəsində artıq Qazaxıstanda reallaşdırılan və digər dövlətlərdə də tətbiqi tövsiyə olunan milli platformadan bəhs etmişdir.

Daha sonra Mərkəzi Asiya və Qafqaz regionu üzrə Hioqo Fəaliyyət Proqramının əlaqələndiricisi Əbdürəhim Mühidov 2005-ci ilin yanvarında Yaponiyanın Kobe şəhərində keçirilmiş Fəlakətlərin Azaldılması üzrə İkinci Ümumdünya konfransında 168 hökumət tərəfindən qəbul edilmiş Hioqo Fəaliyyət Proqramı haqda seminar iştirakçılarını məlumatlandırmışdır.

Sonda seminar iştirakçılarını maraqlandıran suallar cavablandırılmışdır.

Digər məlumatlar

Fövqəladə Hallar Nazirliyi Aparatı işçilərinin Həmkarlar İttifaqı Komitəsinin hesabat-seçki konfransı keçirilmişdir

12 oktyabr 2017-ci il tarixində Fövqəladə Hallar Nazirliyi Aparatı işçilərinin Həmkarlar İttifaqı Komitəsinin hesabat-seçki konfransı keçirilmişdir. ...

Ardını oxu

Fövqəladə hallar naziri Kəmaləddin Heydərov İtaliyanın “Leonardo” şirkətinin baş icraçı direktoru Alessandro Profumonun rəhbərlik etdiyi nümayəndə heyəti ilə görüşmüşdür

Azərbaycan Respublikasının fövqəladə hallar naziri general-polkovnik Kəmaləddin Heydərov oktyabrın 4-də ölkəmizdə səfərdə olan İtaliyanın “Leonardo” şirkətinin baş icraçı direktoru Alessandro Profumonun rəhbərlik etdiyi nümayəndə heyəti ilə görüşmüşdür....

Ardını oxu

Fövqəladə Hallar Nazirliyi Mətbuat xidmətinin məlumatı

Son günlər yağan intensiv yağışlar nəticəsində Bakı şəhərinin və Abşeron rayonunun bəzi ərazilərində fərdi yaşayış evləri və həyətyanı sahələr, digər obyektlər və onların ətrafı yağış suları ilə dolmuşdur. Yağan yağışlarla əlaqədar olaraq Fövqəladə Hallar Nazirliyinin “112” qaynar telefon xətti"nə vətəndaşlardan çoxsaylı müraciətlər daxil olmuşdur....

Ardını oxu