Geri

Fövqəladə Hallar Nazirliyinin Tibb Xidmətinin Mərkəzi Diaqnostik Poliklinikasının açılışı olmuşdur

Yanvarın 25-də Fövqəladə Hallar Nazirliyinin Tibb Xidmətinin (Xidmət) Mərkəzi Diaqnostik Poliklinikasının açılışı olmuşdur. Mərasimdə fövqəladə hallar naziri general-polkovnik Kəmaləddin Heydərov iştirak etmişdir.

Almaniya, Belçika, Fransa, Yaponiya, İsveçrə və digər ölkələrin istehsalı olan, ən müasir standartlara cavab verən tibbi ləvazimat və avadanlıqlarla təchiz olunmuş poliklinikada Avtomatlaşdırılmış Tibbi İnformasiya Sistemi quraşdırılmışdır. Bu sistem vasitəsilə poliklinikaya daxil olanların şəxsiyyət vəsiqələri, eləcə də biometrik parametrləri (barmaq izləri və s.), ikiölçülü və üçölçülü fototəsvirləri kompüter yaddaşına salınır. Bundan başqa, kompüter bazasında Xidmətin Vahid Tibbi Registri yaradılmışdır ki, bu da müayinə keçən şəxslərin xəstəlik tarixçəsinə aid tibbi kartların açılmasına, səhhətlərindəki problemlərin vaxt itirmədən müəyyən edilərək müalicənin təyin olunmasına imkan verəcəkdir. Burada fəaliyyət göstərən təcili tibbi yardım briqadası isə sutkanın 24 saatı ərzində yardıma ehtiyacı olan insanların köməyinə çatacaqdır. Həmçinin, fövqəladə hal zonasında axtarış-xilasetmə əməliyyatı aparan xilasedici xüsusi proqram vasitəsilə "on line" rejimində peşəkar həkim məsləhəti alaraq, zərərçəkmişə müvafiq tibbi yardım göstərə biləcək.

Digər məlumatlar

Azərbaycan Respublikası fövqəladə hallar nazirinin səlahiyyətlərini icra edən Kəmaləddin Heydərov Beynəlxalq Atom Enerjisi Agentliyinin baş direktoru Yukiya Amano ilə görüşmüşdür

Azərbaycan Respublikası fövqəladə hallar nazirinin səlahiyyətlərini icra edən general-polkovnik Kəmaləddin Heydərov aprelin 19-da Beynəlxalq Atom Enerjisi Agentliyinin baş direktoru Yukiya Amano ilə görüşmüşdür. ...

Ardını oxu

FHN Akademiyasında “Azərbaycan Respublikası - Azərbaycan Xalq Cümhuriyyətinin varisidir” mövzusunda elmi-praktik konfrans keçirilmişdir

FHN Akademiyasında 17 aprel 2018-ci il tarixində Fövqəladə Hallar Nazirliyinin və Azərbaycan Milli Elmlər Akademiyasının birgə təşkilatçılığı ilə Azərbaycan Xalq Cümhuriyyətinin 100 illik yubileyinə həsr olunmuş “Azərbaycan Respublikası - Azərbaycan Xalq Cümhuriyyətinin varisidir” mövzusunda elmi-praktik konfrans keçirilmışdir. ...

Ardını oxu

Fövqəladə Hallar Nazirliyində "İnşaatçılar Günü" münasibətilə tədbir keçirilmişdir

Fövqəladə Hallar Nazirliyinin Tikintidə Təhlükəsizliyə Nəzarət Dövlət Agentliyinin inzibati binasında Fövqəladə Hallar Nazirliyi işçilərinin Həmkarlar İttifaqının təşkilatçılığı ilə “10 aprel - İnşaatçılar Günü” münasibətilə tədbir keçirilmişdir. ...

Ardını oxu