Geri

Fövqəladə Hallar Nazirliyinin "Gənc xilasedicilər" komandası beynəlxalq yarışda I yeri qazanmışdır

18-22 sentyabr 2009-cu il tarixində Fövqəladə Hallar Nazirliyinin "Gənc xilasedicilər" komandası Belarus Respublikasının Minsk vilayətində yerləşən "Zubryonok" Milli Uşaq Təhsil-Sağlamlıq Mərkəzinin bazasında keçirilmiş VII Beynəlxalq gənc xilasedici və yanğınsöndürənlər toplanışında müvəffəqiyyətlə çıxış edərək Belarus Respublikasının komandası ilə birgə I yeri bölüşmüşdür. II yerə Ukrayna, III yerə isə Rusiyanın gənc xilasedicilər komandası layiq görülmüşdür.

Beynəlxalq toplanış beş mərhələyə bölünmüşdür: "Vizit kartı", "Yanğın estafeti", "Gənc ekspertlər", "Şən rəssamlar", "Divar qəzeti". Bu yarışlarda Azərbaycan, Bolqarıstan, Belarus, Almaniya, Latviya, Litva, Moldova, Polşa, Rusiya, ABŞ və Ukraynadan olan gənc xilasedicilər komandaları iştirak etmişlər.

Yarışların sonunda Belarus Respublikasının fövqəladə hallar naziri Ənvər Bariyev yarışlarda qalibiyyət qazanmış komandaları kubok, fəxri fərmanlar və qiymətli hədiyyələrlə təltif etmişdir.

Digər məlumatlar

“Serbiya-2018” beynəlxalq təlimində fərqlənmiş FHN əməkdaşları təltif olunmuşlar

17 oktyabr 2018-ci il tarixində Fövqəladə Hallar Nazirliyində “Serbiya-2018” beynəlxalq təlimində fərqlənmiş bir qrup FHN əməkdaşının təltif olunması mərasimi keçirilmişdir. Təltifləri təlim iştirakçılarına təqdim edən fövqəladə hallar nazirinin müavini general-leytenant Etibar Mirzəyev onları təbrik edərək xidmətdə uğurlar arzulamışdır. ...

Ardını oxu

Fövqəladə hallar naziri Kəmaləddin Heydərov Badamdar şosesində baş verən sürüşmə zonasında olmuşdur

Oktyabrın 13-də Fövqəladə hallar naziri general-polkovnik Kəmaləddin Heydərov  Badamdar şosesində baş verən sürüşmə zonasında olmuşdur. Nazir sürüşmə zonasındakı vəziyyətlə yaxından tanış olmuş, lazımi işlərin görülməsi ilə əlaqədar nazirliyin müvafiq qurumlarının rəhbərlərinə tapşırıqlar vermişdir.​...

Ardını oxu

Azərbaycanda yanğınsöndürmə xidmətinin yaradılmasının 100 illiyi münasibətilə tədbir keçirilmişdir

Fövqəladə Hallar Nazirliyinin Həmkarlar İttifaqı 10 oktyabr 2018-ci il tarixində FHN-in Binəqədi rayon Dövlət Yanğından Mühafizə İdarəsində Azərbaycanda yanğınsöndürmə xidmətinin yaradılmasının 100 illiyi münasibətilə təntənəli tədbir keçirmişdir. ...

Ardını oxu