Geri

Respublikanın bəzi ərazilərində subasma hadisəsi baş vermişdir

Sentyabrın 20-dən başlayaraq, respublikanın bəzi ərazilərində hava şəraiti kəskin dəyişmiş, leysan xarakterli yağışlar yağmışdır. Qısa müddət ərzində aylıq normadan iki dəfə çox miqdarda düşən yağıntı nəticəsində, Hacıqabul rayonununda və Bakı-Hacıqabul avtomobil yolu ətrafında subasma hadisəsi baş vermişdir.

Eyni zamanda, Xaçmaz və Qusar rayonlarının bəzi kəndlərində yağan güclü leysan yağışları nəticəsində daşqın baş vermiş, əsasən yaşayış evləri, avtomobil yolları və təsərrüfat sahələrinə ciddi ziyan dəymişdir.

Elə həmin gün fövqəladə hallar naziri Kəmaləddin Heydərov hadisə rayonlarına gəlmiş, yaranmış vəziyyətlə tanış olmuş, hadisənin nəticələrinin aradan qaldırılması ilə əlaqədar müvafiq tapşırıqlar vermişdir.

Hadisə yerlərinə Nazirliyin şəxsi heyəti və xüsusi texnikası cəlb olunmuş, subasmış ərazilərin sulardan təmizlənməsi təmin edilmiş, əhali təhlükəli ərazilərdən təxliyə edilmişdir. Bu istiqamətdə işlər davam etdirilir.

Digər məlumatlar

“Serbiya-2018” beynəlxalq təlimində fərqlənmiş FHN əməkdaşları təltif olunmuşlar

17 oktyabr 2018-ci il tarixində Fövqəladə Hallar Nazirliyində “Serbiya-2018” beynəlxalq təlimində fərqlənmiş bir qrup FHN əməkdaşının təltif olunması mərasimi keçirilmişdir. Təltifləri təlim iştirakçılarına təqdim edən fövqəladə hallar nazirinin müavini general-leytenant Etibar Mirzəyev onları təbrik edərək xidmətdə uğurlar arzulamışdır. ...

Ardını oxu

Fövqəladə hallar naziri Kəmaləddin Heydərov Badamdar şosesində baş verən sürüşmə zonasında olmuşdur

Oktyabrın 13-də Fövqəladə hallar naziri general-polkovnik Kəmaləddin Heydərov  Badamdar şosesində baş verən sürüşmə zonasında olmuşdur. Nazir sürüşmə zonasındakı vəziyyətlə yaxından tanış olmuş, lazımi işlərin görülməsi ilə əlaqədar nazirliyin müvafiq qurumlarının rəhbərlərinə tapşırıqlar vermişdir.​...

Ardını oxu

Azərbaycanda yanğınsöndürmə xidmətinin yaradılmasının 100 illiyi münasibətilə tədbir keçirilmişdir

Fövqəladə Hallar Nazirliyinin Həmkarlar İttifaqı 10 oktyabr 2018-ci il tarixində FHN-in Binəqədi rayon Dövlət Yanğından Mühafizə İdarəsində Azərbaycanda yanğınsöndürmə xidmətinin yaradılmasının 100 illiyi münasibətilə təntənəli tədbir keçirmişdir. ...

Ardını oxu