Geri

Fövqəladə Hallar Nazirliyi "Xəzər- 2009" taktiki təlimi keçirmişdir

Xəbər verdiyimiz kimi, sentyabrın 18-də Qara Dəniz İqtisadi Əməkdaşlıq Təşkilatına (QDİƏT) üzv ölkələrin fövqəladə hallar üzrə qurumlarının rəhbərlərinin toplantısı çərçivəsində Azərbaycan Respublikasının Fövqəladə Hallar Nazirliyi tərəfindən "Xəzər-2009" adlı taktiki təlim keçirilmişdir.

Təlimin əsas məqsədi quruda və dənizdə baş verə biləcək irimiqyaslı fövqəladə halların nəticələrinin aradan qaldırılıması zamanı komandir-rəis heyətinin idarəetmə qabiliyyətlərinin yüksəldilməsi, axtarış-xilasetmə, qəza-xilasetmə və digər təxirəsalınmaz işlərin aparılmasında iştirak edən şəxsi heyətin praktiki vərdişlərinin təkmilləşdirilməsindən ibarət olmuşdur. Taktiki təlimi müşahidə edən toplantı iştirakçilarına Azərbaycan Respublikasının neft-qaz sənayesində texniki təhlükəsizliyin təmin edilməsi məqsədilə Fövqəladə Hallar Nazirliyinin strukturuna daxil olan qurumlar arasında qarşılıqlı fəaliyyətin təşkil edilməsi üzrə əməliyyatların aparılmasının üsul və qaydaları nümayiş etdirilmişdir.

Təlimə Nazirliyin yanğından mühafizə bölmələri, mülki müdafiə qoşunları, xüsusi riskli xilasetmə, sularda xilasetmə və s. xidmətlərinin şəxsi heyəti və xüsusi texnikaları cəlb edilmişdir.

QDİƏT-ə üzv ölkələrin fövqəladə hallar üzrə qurumlarının rəhbərləri və digər qonaqlar təlimin gedişini yüksək qiymətləndirmişlər.

Digər məlumatlar

FHN Mətbuat xidmətinin məlumatı

Azərbaycan Respublikası ərazisində koronavirusun (COVID-19) yayılma təhlükəsinin qarşısının alınması məqsədilə......

Ardını oxu

FHN koronavirus təhlükəsi ilə bağlı fərdi gigiyena tələblərinə əməl etməyi tövsiyə edir (Video)

Ölkəmizdə koronavirus (COVID-19) təhlükəsinin yayılmasının qarşısının alınması məqsədilə Azərbaycan Respublikasının Prezidenti cənab İlham Əliyevin rəhbərliyi altında kompleks tədbirlər həyata keçirilir. ...

Ardını oxu

FHN Mətbuat xidmətinin məlumatı (video-foto)

Azərbaycan Respublikası ərazisində koronavirusun (COVİD-19) yayılma təhlükəsinin qarşısının alınması məqsədilə Azərbaycan Hökumətinin tapşırığına uyğun olaraq, Fövqəladə Hallar Nazirliyi aidiyyəti üzrə lazımi tədbirləri davam etdirir....

Ardını oxu