Geri

Məktəbdə təhlükəsizlik sahəsində pilot layihə həyata keçirilib

Fövqəladə Hallar Nazirliyi Bakı şəhəri, Səbail rayonu, Osman Mirzəyev adına 190 nömrəli orta məktəbdə respublikada ilk dəfə olaraq təhlükəsizlik sahəsində pilot layihə həyata keçirib. Layihənin əsas məqsədi təhlükəsiz məktəb mühitinin formalaşdırılması olub.

Layihə çərçivəsində məktəb Nazirlik tərəfindən odsöndürən balonlarla təmin edilıb, məktəbin çardağının yanar konstruksiyaları odadavamlı məhlulla hopdurulub, daxili yanğın su kranları ümumi su xəttinə qoşularaq, tam istifadəyə yararlı hala gətirilıb, kranlar müvafiq yanğın əleyhinə avadanlıqlarla təchiz edilib. Yanğın zamanı insanların və qiymətli əşyaların köçürülməsi üçün "təxliyə planı" tərtib edilərək məktəbin rəhbərliyinə təqdim olunub. Eyni zamanda, məktəb binasında yanğın xəbərverici siqnalizasiya qurğusu quraşdırılıb, fövqəladə hallara hazırlıqla bağlı maarifləndirmə məqsədi daşıyan guşə yaradılıb.

Bundan başqa, "Fövqəladə hallar uşaqların gözü ilə" yaradıcılıq müsabiqəsi və "Gənc xilasedici və yanğınsöndürən" yarışları keçirilib.

Layihənin yekunu olaraq məktəbin akt zalında keçirilən mərasimdə yaradıcılıq müsabiqəsi və yarışların qaliblərinə Nazirliyin kuboku, Fəxri fərmanları və qiymətli hədiyyələri təqdim edilib. Həmçinin, Nazirlik tərəfindən hazırlanmış "Özünə və başqalarına kömək etməyi bacar" kitabı məktəbə hədiyyə edilib.

Digər məlumatlar

“Serbiya-2018” beynəlxalq təlimində fərqlənmiş FHN əməkdaşları təltif olunmuşlar

17 oktyabr 2018-ci il tarixində Fövqəladə Hallar Nazirliyində “Serbiya-2018” beynəlxalq təlimində fərqlənmiş bir qrup FHN əməkdaşının təltif olunması mərasimi keçirilmişdir. Təltifləri təlim iştirakçılarına təqdim edən fövqəladə hallar nazirinin müavini general-leytenant Etibar Mirzəyev onları təbrik edərək xidmətdə uğurlar arzulamışdır. ...

Ardını oxu

Fövqəladə hallar naziri Kəmaləddin Heydərov Badamdar şosesində baş verən sürüşmə zonasında olmuşdur

Oktyabrın 13-də Fövqəladə hallar naziri general-polkovnik Kəmaləddin Heydərov  Badamdar şosesində baş verən sürüşmə zonasında olmuşdur. Nazir sürüşmə zonasındakı vəziyyətlə yaxından tanış olmuş, lazımi işlərin görülməsi ilə əlaqədar nazirliyin müvafiq qurumlarının rəhbərlərinə tapşırıqlar vermişdir.​...

Ardını oxu

Azərbaycanda yanğınsöndürmə xidmətinin yaradılmasının 100 illiyi münasibətilə tədbir keçirilmişdir

Fövqəladə Hallar Nazirliyinin Həmkarlar İttifaqı 10 oktyabr 2018-ci il tarixində FHN-in Binəqədi rayon Dövlət Yanğından Mühafizə İdarəsində Azərbaycanda yanğınsöndürmə xidmətinin yaradılmasının 100 illiyi münasibətilə təntənəli tədbir keçirmişdir. ...

Ardını oxu