Geri

Kiyevdə "Yanğın təhlükəsizliyinin yanğın texnologiyaları - 2009" sərgisi keçiriləcək

Aprelin 1-dən 3-dək Ukraynanın paytaxtı Kiyev şəhərində "Yanğın təhlükəsizliyinin yanğın texnologiyaları - 2009" adlı III Beynəlxalq İxtisaslaşdırılmış Sərgi keçiriləcəkdir.

Sərginin təşkilatçıları - Ukrayna Fövqəladə Hallar və Çernobıl Faciəsinin Nəticələrinin Aradan Qaldırılması Nazirliyi, Yanğına qarşı məhsul və xidmətlərin Ukrayna İstehsalçılar Birliyi və "Beynəlxalq sərgi mərkəzi" MMC-dir.

Hər il ənənəvi keçirilən bu sərgi Ukrayna dövlətinin yanğın təhlükəsizliyinə həsr olunaraq, bu sahədə texnoloji yeniliklərin nümayişi, əhali və ərazilərin yanğınlardan mühafizəsi sistemlərinin təkmilləşdirilməsi və əsas istiqamətlərinin dəqiqləşdirilməsi məqsədlərinə xidmət edir.

Qeyd etmək lazımdır ki, "Yanğın təhlükəsizliyinin yanğın texnologiyaları - 2009" adlı III Beynəlxalq İxtisaslaşdırılmış Sərginin mövzusu həddən artıq geniş və ətraflı olduğundan o, müxtəlif profilli mütəxəssislərin - inşaatçıların, quraşdırıcıların, mühəndislərin, müxtəlif müəssisə rəhbərlərinin daim marağına səbəb olur, onları bu kimi tədbirlərdə təcrübə mübadiləsinə yığışmağa sövq edir. Məsələn, yanğınlara qarşı avtomatika sahəsində sərgidə mühafizə-yanğın siqnalizasiyasının, eləcə də avtomatik yanğınsöndürmə qurğularının nümayişi gözlənilir. Sərginin digər bölmələri də mütəxəssislərin marağına səbəb olacaqdır. Təkcə onu demək kifayətdir ki, sərgidə bina və qurğuların yanğına qarşı mühafizəsi, təxliyə xəbərdarlığı və təxliyənin idarə edilməsi, əraziyə daxilolmaya qarşı videomüşahidə və nəzarət sistemləri, rabitə vasitələri, yanğına qarşı texnika və avadanlıq, yanğın-texniki təminat, yanğınsöndürmə vasitələri, qəza-xilasetmə işlərinin aparılmasına aid avadanlıqlar və digər mövzular da geniş əksini tapacaqdır.

Sərgidə Ukrayna Fövqəladə Hallar və Çernobıl Faciəsinin Nəticələrinin Aradan Qaldırılması Nazirliyinin, Ukraynanın yanğın təhlükəsizliyi məsələləri üzrə elmi-tədqiqat institutlarının, digər idarə və qurumların aparıcı mütəxəssisləri də iştirak edəcəkdir.

Digər məlumatlar

Fövqəladə Hallar Nazirliyində hərbi attaşelərlə görüş keçirilmişdir

Azərbaycan Respublikasının Fövqəladə Hallar Nazirliyinin Böhran Vəziyyətlərində İdarəetmə Mərkəzində  20 aprel 2018-ci il tairixində ölkəmizdə akkreditə olunmuş xarici ölkə səfirliklərinin hərbi attaşeləri ilə görüş keçirilmişdir. ...

Ardını oxu

Azərbaycan Respublikası fövqəladə hallar nazirinin səlahiyyətlərini icra edən Kəmaləddin Heydərov Beynəlxalq Atom Enerjisi Agentliyinin baş direktoru Yukiya Amano ilə görüşmüşdür

Azərbaycan Respublikası fövqəladə hallar nazirinin səlahiyyətlərini icra edən general-polkovnik Kəmaləddin Heydərov aprelin 19-da Beynəlxalq Atom Enerjisi Agentliyinin baş direktoru Yukiya Amano ilə görüşmüşdür. ...

Ardını oxu

FHN Akademiyasında “Azərbaycan Respublikası - Azərbaycan Xalq Cümhuriyyətinin varisidir” mövzusunda elmi-praktik konfrans keçirilmişdir

FHN Akademiyasında 17 aprel 2018-ci il tarixində Fövqəladə Hallar Nazirliyinin və Azərbaycan Milli Elmlər Akademiyasının birgə təşkilatçılığı ilə Azərbaycan Xalq Cümhuriyyətinin 100 illik yubileyinə həsr olunmuş “Azərbaycan Respublikası - Azərbaycan Xalq Cümhuriyyətinin varisidir” mövzusunda elmi-praktik konfrans keçirilmışdir. ...

Ardını oxu