Geri

Konstitusiyaya əlavələr və dəyişikliklər üzrə referendum seçicilərin yüksək fəallığı şəraitində keçmişdir

Martın 18-də Azərbaycanın bütün ərazisində keçirilən Konstitusiyaya əlavələr və dəyişikliklər edilməsi ilə bağlı ümumxalq səsverməsindəki yüksək fəallıq Azərbaycan vətəndaşlarının referenduma çıxarılan məsələləri dəstəklədiklərinin, ölkənin həyatında çox mühüm bu siyasi kampaniyaya böyük maraq və diqqət göstərdiklərinin canlı nümunəsi olmuşdur.

Referendum 125 seçki dairəsi üzrə 5367 seçki məntəqəsində keçirilmişdir. Azərbaycanın hüdudlarından kənarda 35 məntəqə fəaliyyət göstərmişdir. Səsverməni 24 təşkilatı və 23 ölkəni təmsil edən 177 beynəlxalq müşahidəçi izləmişdir. Avropa Şurası və Müstəqil Dövlətlər Birliyinin parlament assambleyaları, MDB-nin müşahidə missiyası rəsmən dəvət olunmuşdur. Böyük Britaniya, Fransa, İspaniya, Almaniya, Belçika, Bolqarıstan, Finlandiya, Ukrayna və digər ölkələrin parlament nümayəndə heyətləri, ABŞ, Rusiya, Norveç, İtaliya, Polşa və s. ölkələrin Azərbaycandakı səfirliklərinin nümayəndələri də səsvermənin gedişini izləmişlər.

Referendumu müşahidə etmək üçün 47066 yerli müşahidəçi qeydiyyata alınmışdır. Onların 2148-i MSK-da, 44918-i isə dairə seçki komissiyalarında qeydiyyatdan keçmişdir. Mərkəzi Seçki Komissiyasının "Seçkilər" İnformasiya Mərkəzinin referendumun yekununa dair ilkin məlumatına əsasən, 4893382 seçicidən 3478571 nəfəri, yəni 71,08%-i səsvermədə iştirak etmişdir.

Mərkəzi Seçki Komissiyasının sədri Məzahir Pənahov martın 18-də "Seçkilər" İnformasiya Mərkəzində keçirdiyi mətbuat konfransında Azərbaycan Respublikası Konstitusiyasına əlavələr və dəyişikliklər edilməsi ilə bağlı ümumxalq səsverməsində seçicilərin çox fəal iştirak etdiklərini vurğulamış, gün ərzində məntəqələrdə səsvermənin gedişi barədə 5 dəfə ictimaiyyətə məlumat verildiyini, referendumu kifayət qədər həm beynəlxalq və yerli müşahidəçilərin, həm də yerli və xarici kütləvi informasiya vasitələrinin nümayəndələrinin izlədiyini demişdir.

Avropa ölkələrinin parlament nümayəndələrindən ibarət beynəlxalq qrup Azərbaycan Respublikası Konstitusiyasına əlavələr və dəyişikliklərlə bağlı keçirilmiş ümumxalq səsverməsində (referendum) apardıqları müşahidənin nəticələri ilə əlaqədar martın 19-da "Hyatt Park" mehmanxanasında mətbuat konfransı keçirmişdir. Mətbuat konfransında Azərbaycan Milli Məclisi tərəfindən dəvət olunmuş və Avropanın 6 ölkəsini (İspaniya, Böyük Britaniya, Belçika, Fransa, Estoniya və Finlandiya) təmsil edən 20 nəfərlik qrupun üzvləri adından Belçika parlamentinin deputatı, bu ölkənin Avropa Şurası Parlament Assambleyasında nümayəndə heyətinin üzvü Alan Deştex Azərbaycanda referendumun beynəlxalq demokratik standartlara cavab verdiyini, fəal, sakit və peşəkarlıqla keçirildiyini bildirmişdir. Beynəlxalq müşahidəçilər onların səfər etdikləri bütün seçki məntəqələrində səsvermə prosesinin yaxşı keçirildiyini və qanun pozuntusu hallarının müşahidə olunmadığını diqqətə çatdırmışlar.

Səsvermənin gedişini izləyən beynəlxalq müşahidəçilər keçirilmiş mətbuat konfransında referendumun gedişatından və yüksək səviyyədə təşkil olunduğundan razı qaldıqlarını bildirmişlər.

Qeyd edək ki, Azərbaycanda keçirilən referendum dünya mətbuatının da diqqət mərkəzində olmuşdur. Nüfuzlu "Röyters" agentliyi, "Evronyus" və Rusiyanın "ORT" telekanalları Azərbaycan Respublikasının Konstitusiyasına əlavələr və dəyişikliklərlə əlaqədar ümumxalq səsverməsinin (referendum) gedişini işıqlandırmışlar.

Digər məlumatlar

FHN Mətbuat xidmətinin məlumatı

15 noyabr 2019-cu il tarixində saat 01:34 dəqiqədə Fövqəladə Hallar Nazirliyinin "112" qaynar telefon xəttinə Bakı şəhəri, Xətai rayonu, Neapol küçəsi, 16 ünvanında yerləşən 29/42 saylı 17 mərtəbəli mansard tipli yaşayış binasının dam örtüyündə yanğın baş verməsi barədə məlumat daxil olub....

Ardını oxu

Nazir müavini Etibar Mirzəyev NATO-nun Təbii Fəlakətlərə Cavabvermə üzrə Avro-Atlantika Koordinasiya Mərkəzinin regional əlaqələndiricisi Vanhamme Villem ilə görüşüb

Fövqəladə Hallar nazirinin müavini general-leytenant Etibar Mirzəyev 3-8 noyabr 2019-cu il tarixlərində Azərbaycan Respublikası Fövqəladə Hallar Nazirliyinin və Birləşmiş Millətlər Təşkilatının Humanitar Məsələlərin Əlaqələndirilməsi Ofisinin birgə təşkilatçılığı ilə FHN Akademiyasında “Zəlzələ hadisələrində cavabvermə” mövzusunda keçirilən beynəlxalq regional təlimdə iştirak edən NATO-nun Təbii Fəlakətlərə Cavabvermə üzrə Avro-Atlantika......

Ardını oxu

“Zəlzələ hadisələrində cavabvermə” mövzusunda beynəlxalq regional təlim uğurla başa çatdı

3-8 noyabr 2019-cu il tarixlərində Azərbaycan Respublikası Fövqəladə Hallar Nazirliyinin və Birləşmiş Millətlər Təşkilatının Humanitar Məsələlərin Əlaqələndirilməsi Ofisinin birgə təşkilatçılığı ilə paytaxtın Suraxanı rayonunun Hövsan qəsəbəsində yerləşən FHN Akademiyasında “Zəlzələ hadisələrində cavabvermə” mövzusunda keçirilən beynəlxalq regional təlimə yekun vurulub. ...

Ardını oxu