Geri

Fövqəladə hallar naziri general-polkovnik Kəmaləddin Heydərov Belçika Krallığının Azərbaycan Respublikasındakı fövqəladə və səlahiyyətli səfiri Filip Cottardı qəbul etmişdir.

Nazir Kəmaləddin Heydərov giriş sözü ilə çıxış edərək, Nazirliyin strukturuna daxil olan qurumlar haqqında ətraflı məlumat vermiş, əhalinin təbii və texnogen xarakterli fövqəladə hallardan qorunması istiqamətində Nazirliyin gördüyü işlərdən, o cümlədən əhalinin maarifləndirilməsi sahəsində görülmüş işlərdən danışmışdır.

Azərbaycan Respublikasının Fövqəladə Hallar Nazirliyi ilə Belçika Krallığının müvafiq dövlət qurumları arasında fövqəladə hallar sahəsində əməkdaşlıq münasibətlərinin qurulması və NATO ilə ikitərəfli əməkdaşlığın inkişaf etdirilməsi məqsədilə fövqəladə hallar naziri Kəmaləddin Heydərovun rəhbərliyi altında Nazirliyin nümayəndə heyətinin 15 oktyabr 2007-ci il tarixində Belçika Krallığının Brüssel şəhərinə işgüzar səfəri zamanı Belçika Krallığının Daxili İşlər Nazirliyinin Administrasiyası, Belçika Krallığının Daxili İşlər Nazirliyinin Milli Təhlükəsizlik üzrə Baş Direktorluğu, Böhran Mərkəzinin Baş Direktorluğu və Beynəlxalq Əlaqələr üzrə Direktorluğunun rəhbərləri ilə görüşündən söhbət açılmışdır.

Görüş üçün nazirə öz təşəkkürünü bildirən səfir Filip Cottard görüşün tanışlıq xarakteri daşıdığını, iki ölkənin müvafiq dövlət qurumları arasında əməkdaşlığın genişləndirilməsi üçün mövcud imkanlardan səmərəli istifadənin vacibliyini bildirmişdir.

Digər məlumatlar

FHN Mətbuat xidmətinin məlumatı

20-28 iyul 2019-cu il tarixlərində Bakıda keçiriləcək Avropa Gənclər Yay Olimpiya Festivalı ilə əlaqədar təhlükəsizliyin aidiyyəti üzrə təmin edilməsi məqsədilə Fövqəladə Hallar Nazirliyi gücləndirilmiş iş rejimində çalışacaq....

Ardını oxu

Respublika Baş Prokurorluğu və Fövqəladə Hallar Nazirliyinin Mətbuat xidmətlərinin birgə məlumatı

İyulun 14-də saat 12 radələrində Şəki Xan Sarayı ərazisində 1530-cu ilə aid ağacın, təxminən 50 sm diametrində olan budağı qəflətən qırılaraq həmin vaxt sarayın həyətində olan turistlərin üzərinə düşüb......

Ardını oxu

FHN-in Dövlət Yanğından Mühafizə Xidmətinin yeni Yanğından mühafizə hissəsinin açılışı olub

12 iyul 2019-cu il tarixində Fövqəladə Hallar Nazirliyi Dövlət Yanğından Mühafizə Xidmətinin Sumqayıt şəhər Dövlət Yanğından Mühafizə İdarəsinin 22 nömrəli Yanğından mühafizə hissəsinin açılışı olub. Açılış mərasimində Fövqəladə Hallar nazirinin müavini general-leytenant Etibar Mirzəyev iştirak edib. ...

Ardını oxu