Geri

Fövqəladə hallar naziri general-polkovnik Kəmaləddin Heydərov Ukraynanın Azərbaycan Respublikasındakı fövqəladə və səlahiyyətli səfiri Boris Klimçuku qəbul edib

İki ölkə arasında əlaqələrin dərinləşməsi sahəsində fəaliyyətində səfirə uğurlar arzulayan nazir Kəmaləddin Heydərov, Azərbaycan Respublikası və Ukrayna arasındakı dostluq və əməkdaşlıq əlaqələrinin daha da geniş vüsət almasının vacibliyinə toxunub, Nazirlik tərəfindən aparılan işlər barədə səfir Boris Klimçuka ətraflı məlumat verib.

Görüşdə, təhsil və kadr hazırlığı sahəsində razılaşmaya əsasən, mütəxəssislərin hazırlanması məqsədilə Azərbaycan Respublikası Fövqəladə Hallar Nazirliyinin 134 əməkdaşının Ukraynanın Fövqəladə Hallar və Çernobıl Faciəsinin Nəticələrinin Aradan Qaldırılması Nazirliyinin Mülki Müdafiə Universitetində təhsil aldığı vurğulanıb. Söhbət zamanı 2006-cı ilin sentyabr ayında Bakı şəhərində imzalanmış "Azərbaycan Respublikası Fövqəladə Hallar Nazirliyi ilə Ukraynanın Nüvə Tənzimlənməsi üzrə Dövlət Komitəsi arasında radiasiya təhlükəsizliyi sahəsində əməkdaşlıq haqqında Saziş"in müddəalarının yerinə yetirilməsi vəziyyəti də müzakirə olunmuşdur.

Görüşdə Azərbaycan Respublikası Fövqəladə Hallar Nazirliyi ilə Ukraynanın müvafiq qurumları arasındakı əlaqələrin daha da inkişaf etdirilməsinin vacibliyi bildirilib, qarşılıqlı maraq kəsb edən məsələlər ətrafında fikir mübadiləsi aparılıb.

Digər məlumatlar

FHN Mətbuat xidmətinin məlumatı

15 noyabr 2019-cu il tarixində saat 01:34 dəqiqədə Fövqəladə Hallar Nazirliyinin "112" qaynar telefon xəttinə Bakı şəhəri, Xətai rayonu, Neapol küçəsi, 16 ünvanında yerləşən 29/42 saylı 17 mərtəbəli mansard tipli yaşayış binasının dam örtüyündə yanğın baş verməsi barədə məlumat daxil olub....

Ardını oxu

Nazir müavini Etibar Mirzəyev NATO-nun Təbii Fəlakətlərə Cavabvermə üzrə Avro-Atlantika Koordinasiya Mərkəzinin regional əlaqələndiricisi Vanhamme Villem ilə görüşüb

Fövqəladə Hallar nazirinin müavini general-leytenant Etibar Mirzəyev 3-8 noyabr 2019-cu il tarixlərində Azərbaycan Respublikası Fövqəladə Hallar Nazirliyinin və Birləşmiş Millətlər Təşkilatının Humanitar Məsələlərin Əlaqələndirilməsi Ofisinin birgə təşkilatçılığı ilə FHN Akademiyasında “Zəlzələ hadisələrində cavabvermə” mövzusunda keçirilən beynəlxalq regional təlimdə iştirak edən NATO-nun Təbii Fəlakətlərə Cavabvermə üzrə Avro-Atlantika......

Ardını oxu

“Zəlzələ hadisələrində cavabvermə” mövzusunda beynəlxalq regional təlim uğurla başa çatdı

3-8 noyabr 2019-cu il tarixlərində Azərbaycan Respublikası Fövqəladə Hallar Nazirliyinin və Birləşmiş Millətlər Təşkilatının Humanitar Məsələlərin Əlaqələndirilməsi Ofisinin birgə təşkilatçılığı ilə paytaxtın Suraxanı rayonunun Hövsan qəsəbəsində yerləşən FHN Akademiyasında “Zəlzələ hadisələrində cavabvermə” mövzusunda keçirilən beynəlxalq regional təlimə yekun vurulub. ...

Ardını oxu