Geri

Nazirliyin əməkdaşları respublika çempionatlarında yüksək nəticələr əldə etmişlər

Dekabrın 18-də Bakıda karatenin WKF versiyası üzrə böyüklər, gənclər və yeniyetmələr arasında XVII ölkə çempionatı keçirilmişdir.

Gənclər və İdman Nazirliyi, Azərbaycan Karate-Do Federasiyaları Assosiasiyası və Milli Karate Federasiyasının birgə təşkil etdiyi yarışda Bakı, Gəncə, Sumqayıt və daha 30-dək şəhər və rayondan 400-dək idmançı iştirak etmişdir.

Fövqəladə Hallar Nazirliyinin Xüsusi Riskli Xilasetmə Xidmətinin iki əməkdaşı da 50-55 kq çəki dərəcəsində yarışlarda iştirak etmişlər. 1-ci dan qara kəmər ustası, Dünya Kubokunun sahibi, Avropa üzrə gümüş medal laureatı, dəfələrlə respublika birinciliyinin qalibi olmuş Cəmilə Məmmədova bütün görüşlərini qələbə ilə başa vuraraq kürsünün ən yüksək pilləsinə qalxmışdır.

50-55 kq çəki dərəcəsində mübarizə aparan nazirliyin digər əməkdaşı - Avropa çempionu, dəfələrlə respublika çempionu olmuş, 2-ci dan qara kəmər ustası Gülnarə Musayeva isə keçirdiyi üç görüşün yalnız sonuncusunda məğlub olaraq 2-ci yerə layiq görülmüşdür.

Qeyd edək ki, yarışın keçirilməsində məqsəd Azərbaycanda karatenin daha da inkişafı və kütləviliyinə nail olmaq, eləcə də gənc nəslin mənəvi və fiziki hazırlığının artırılmasıdır. Ölkə çempionatında fərqlənən idmançılar seçmə komandaların heyətinə cəlb edilməklə dünya və Avropa çempionatlarında, eləcə də müxtəlif səviyyəli beynəlxalq yarışlarda ölkəmizi təmsil edəcəklər.

Bununla yanaşı, dekabr ayının 24-də Sumqayıt şəhərinin Paralimpiya Kompleksində cüdo üzrə Azərbaycan çempionatı keçirilmişdir. 3 gün davam etmiş yarışlarda respublikamızın müxtəlif şəhər və rayonlarından 350-yə yaxın idmançı medallar uğrunda mübarizə aparmışdır. Yarışda nazirliyin Xüsusi Riskli Xiasetmə Xidmətinin əməkdaşı, 2004-cü ildə hərbçilər arasında keçirilmiş Dünya çempionatının və Super Dünya kubokunun bürünc medalına layiq görülmüş, dəfələrlə respublika çempionu olmuş Bəhriyyə Hüseynova da iştirak etmişdir. 70 kq çəki dərəcəsində döşək üzərinə çıxan idmançımız keçirdiyi hər üç görüşdə rəqiblərini məğlubiyyətə uğradaraq fəxri kürsünün ən yüksək pilləsinə qalxmışdır.

Digər məlumatlar

Quba rayonunda dağlıq ərazidə itkin düşmüş alpinistlərin axtarışları ilə əlaqədar Əməliyyat Qərargahının məlumatı

"Gilavar" - hava və ekstrim idman klubunun üzvləri Cəbrayılzadə Fəridə Zəbiyulla qızı, Hüseynov Babur Vaqif oğlu və Bünyatzadə Namin Nizami oğlunun axtarışları davam edir. Axtarış işləri əsasən Fövqəladə Hallar Nazirliyinin müvafiq xilasetmə qüvvələri, Ekologiya və Təbii Sərvətlər Nazirliyinin əməkdaşları və peşəkar alpinistlərdən ibarət könüllü dəstələr tərəfindən......

Ardını oxu

Azərbaycan Respublikasının fövqəladə hallar naziri Kəmaləddin Heydərov Tərtər şəhərində vətəndaşları qəbul edəcək

Azərbaycan Respublikasının fövqəladə hallar naziri Kəmaləddin Heydərov tərəfindən  25 yanvar 2018-ci il tarixində Tərtər şəhərində Gənclər Mərkəzinin binasında saat 11.00-dan vətəndaşların qəbulu keçiriləcəkdir. ...

Ardını oxu

Quba rayonunda dağlıq ərazidə itkin düşmüş alpinistlərin axtarışları ilə əlaqədar Əməliyyat Qərargahının məlumatı

Quba rayonu ərazisində itkin düşmüş alpinistlərin axtarışları yanvarın 17-də davam etmişdir. Axtarış işləri Fövqəladə Hallar Nazirliyinin peşəkar xilasedicilərdən ibarət dəstələrinin, Ekologiya və Təbii Sərvətlər Nazirliyinin əməkdaşlarının və peşəkar alpinistlərdən ibarət könüllü dəstələrin iştirakı, həmçinin müvafiq texnika və xilasetmə avadanlıqlarının tətbiqi ilə aparılır. ...

Ardını oxu