Geri

Fövqəladə Hallar Nazirliyinin nümayəndə heyəti İsveç Krallığında işgüzar səfərdə olmuşdur

27-30 oktyabr 2009-cu il tarixlərində İsveç Krallığı Stokholm Yanğın Briqadası Assosiasiyasının dəvəti ilə fövqəladə hallar nazirinin müavini general-mayor Etibar Mirzəyevin rəhbərlik etdiyi nümayəndə heyəti həmin ölkədə işgüzar səfərdə olmuşdur.

Səfər zamanı İsveç Krallığı Stokholm Yanğın Briqadası Assosiasiyasında görüş olmuşdur. Görüşdə Assosiasiyanın fəaliyyəti və maddi-texniki imkanları barədə nümayəndə heyətinə ətraflı məlumat verilmiş, qarşılıqlı maraq doğuran məsələlər ətrafında geniş fikir mübadiləsi aparılmışdır.

Bundan başqa, Nazirliyin nümayəndə heyəti Assosiasiyanın "Okvista" təlim mərkəzinin fəaliyyəti ilə yaxından tanış olmuş, yanğınsöndürənlərin xüsusi riskli xilasetmə əməliyyatı çərçivəsində yüksək peşəkarlıqla zərərçəkmişlərin xilasedici avadanlıqlarla təhlükəsiz qaydada təxliyyəsi prosesini müşahidə etmişdir. Həmçinin, təcili xilasetmə xidmətinin fəaliyyətinin təmin edilməsi məqsədilə yaradılmış "SOS Alarm" qaynar telefon xətti sistemi haqqında nümayəndə heyətinə ətraflı məlumat verilmişdir.

Səfər proqramına uyğun olaraq, Assosiasiyanın müvafiq qurumlarında olan Nazirliyin nümayəndə heyəti fövqəladə hallar zamanı qatı tüstülənmiş zonalarda işləmək üçün xilasedicilərin peşə hazırlığı səviyyəsini artırmaq məqsədilə inşa edilmiş xüsusi tüstü kameralarında aparılan tədris və təlim prosesi ilə yaxından tanış olmuş, həmçinin, "unikal İsveç kəşfi" adlanan, qapalı şəraitdə saxlanılan mal və məhsulların yüksək təzyiqli su ilə söndürülməsini izləmişdir.

Bununla yanaşı, səfər zamanı Nazirliyin nümayəndə heyəti dəniz və çay sularında xilasetmə əməliyyatlarının icrası məqsədilə müxtəlif təyinatlı patrul, polis, xilasedici, yanğınla mübarizə gəmi və katerlərinin texniki göstəriciləri və taktiki imkanları ilə tanış olmuş, habelə texnikanın nümayişini izləmişdir.

Həmçinin, nümayəndə heyəti Stokholm şəhərinin yaxınlığında yerləşən taxılın qurudulması və saxlanılması müəssisəsinin fəaliyyəti ilə tanış olmuşdur.



Digər məlumatlar

Fövqəladə Hallar Nazirliyində hərbi attaşelərlə görüş keçirilmişdir

Azərbaycan Respublikasının Fövqəladə Hallar Nazirliyinin Böhran Vəziyyətlərində İdarəetmə Mərkəzində  20 aprel 2018-ci il tairixində ölkəmizdə akkreditə olunmuş xarici ölkə səfirliklərinin hərbi attaşeləri ilə görüş keçirilmişdir. ...

Ardını oxu

Azərbaycan Respublikası fövqəladə hallar nazirinin səlahiyyətlərini icra edən Kəmaləddin Heydərov Beynəlxalq Atom Enerjisi Agentliyinin baş direktoru Yukiya Amano ilə görüşmüşdür

Azərbaycan Respublikası fövqəladə hallar nazirinin səlahiyyətlərini icra edən general-polkovnik Kəmaləddin Heydərov aprelin 19-da Beynəlxalq Atom Enerjisi Agentliyinin baş direktoru Yukiya Amano ilə görüşmüşdür. ...

Ardını oxu

FHN Akademiyasında “Azərbaycan Respublikası - Azərbaycan Xalq Cümhuriyyətinin varisidir” mövzusunda elmi-praktik konfrans keçirilmişdir

FHN Akademiyasında 17 aprel 2018-ci il tarixində Fövqəladə Hallar Nazirliyinin və Azərbaycan Milli Elmlər Akademiyasının birgə təşkilatçılığı ilə Azərbaycan Xalq Cümhuriyyətinin 100 illik yubileyinə həsr olunmuş “Azərbaycan Respublikası - Azərbaycan Xalq Cümhuriyyətinin varisidir” mövzusunda elmi-praktik konfrans keçirilmışdir. ...

Ardını oxu