Geri

Fövqəladə Hallar Nazirliyinin Dövlət Yanğın Nəzarəti Xidməti tərəfindən regional müşavirələr keçirilmişdir

Ölkədə yanğın təhlükəsizliyinin təmin olunması ilə əlaqədar qarşıda duran vəzifələrin icrasını sürətləndirmək məqsədilə Fövqəladə Hallar Nazirliyinin Dövlət Yanğın Nəzarəti Xidməti bölgələrdə "Yanğın təhlükəsizliyi: qarşıda duran vəzifələr və onun həlli yolları" mövzusunda regional müşavirələr keçirmişdir. Lənkəran, Xaçmaz, Qəbələ, Yevlax və Bərdə rayonlarında keçirilmiş müşavirələrdə Fövqəladə Hallar Nazirliyi tərəfindən yanğın təhlükəsizliyinin təmin olunması məqsədilə həyata keçirilən tədbirlərdən danışılmış, ölkədə hazırda bu sahədəki vəziyyət təhlil olunmuş, payız-qış mövsümünün başlanması ilə əlaqədar qarşıda duran vəzifələr barədə danışılmışdır.

Yerli icra hakimiyyəti, təhsil, səhiyyə müəssisələrinin, müvafiq xidmət sahələrinin nümayəndələrinin də iştirak etdiyi müşavirələrdə əhalinin yanğın təhlükəsizliyi sahəsində maarifləndirilməsi işinin səmərəliliyini artırmaq məqsədilə bölgələrdə fəaliyyət göstərən yerli televiziya kanallarına, qəzetlərə Dövlət Yanğın Nəzarəti Xidməti tərəfindən hazırlanmış yanğına qarşı təbliğat xarakterli video və qəzet materialları təqdim olunmuşdur.

Bununla yanaşı, Fövqəladə Hallar Nazirliyinin Dövlət Yanğın Nəzarəti Xidməti tərəfindən yanğın təhlükəsizliyinin təmin edilməsi istiqamətində digər məqsədyönlü tədbirlərin də həyata keçirilməsi planlaşdırılmışdır. Belə ki, 2009-cu ilin noyabr ayını "Yanğına qarşı təbliğat ayı" elan etmiş Xidmət tərəfindən respublika ərazisində baş verən yanğınların sayının azaldılması, bu sahədə effektli, günün tələblərinə cavab verən qabaqlayıcı, yeni məzmunlu tədbirlərin həyata keçirilməsi nəzərdə tutulur.

Digər məlumatlar

“Serbiya-2018” beynəlxalq təlimində fərqlənmiş FHN əməkdaşları təltif olunmuşlar

17 oktyabr 2018-ci il tarixində Fövqəladə Hallar Nazirliyində “Serbiya-2018” beynəlxalq təlimində fərqlənmiş bir qrup FHN əməkdaşının təltif olunması mərasimi keçirilmişdir. Təltifləri təlim iştirakçılarına təqdim edən fövqəladə hallar nazirinin müavini general-leytenant Etibar Mirzəyev onları təbrik edərək xidmətdə uğurlar arzulamışdır. ...

Ardını oxu

Fövqəladə hallar naziri Kəmaləddin Heydərov Badamdar şosesində baş verən sürüşmə zonasında olmuşdur

Oktyabrın 13-də Fövqəladə hallar naziri general-polkovnik Kəmaləddin Heydərov  Badamdar şosesində baş verən sürüşmə zonasında olmuşdur. Nazir sürüşmə zonasındakı vəziyyətlə yaxından tanış olmuş, lazımi işlərin görülməsi ilə əlaqədar nazirliyin müvafiq qurumlarının rəhbərlərinə tapşırıqlar vermişdir.​...

Ardını oxu

Azərbaycanda yanğınsöndürmə xidmətinin yaradılmasının 100 illiyi münasibətilə tədbir keçirilmişdir

Fövqəladə Hallar Nazirliyinin Həmkarlar İttifaqı 10 oktyabr 2018-ci il tarixində FHN-in Binəqədi rayon Dövlət Yanğından Mühafizə İdarəsində Azərbaycanda yanğınsöndürmə xidmətinin yaradılmasının 100 illiyi münasibətilə təntənəli tədbir keçirmişdir. ...

Ardını oxu