Geri

Taxıl Fondu yerli istehsalçılardan buğda qəbulunun vaxtını uzadıb

Məlum olduğu kimi, Azərbaycan Respublikası Fövqəladə Hallar Nazirliyinin Dövlət Material Ehtiyatları Agentliyinin Dövlət Taxıl Fondu üçün ölkədə istehsal olunan yüksək keyfiyyətli buğdanın alınması barədə avqust ayının 5-dən sentyabrın 30-na kimi elan verilmişdir. Buğda qəbulunun müddəti 1 ay artırılıb. Bu məqsədlə, Azərbaycan Respublikası Fövqəladə Hallar Nazirliyinin Dövlət Material Ehtiyatları Agentliyinin Dövlət Taxıl Fondu "Dəvəçi-Dəyirman" MMC, "Karat Holdinq", "Fatoğlu", "Bakı-Taxıl", "Araz" ASC, "Aveta", "Tovuz-Baltiya" və "Neon" şirkətləri vasitəsilə oktyabr ayının 31-nə kimi yerli buğda istehsalçılarından qiyməti  bir ton üçün 180 AZN olmaqla aşağıdakı keyfiyyət göstəricilərinə malik buğdanın qəbulunu davam etdirəcəkdir.

Xatırladaq ki, buğda alınması prosesində aşağıdakı şərtlər irəli sürülür:

I. Dənin naturası (bir litrlik purkalarda qramla):

buğda üçün                                    - 750/l-dən az olmamaqla

II. Alaq otları (zibil) qarışığı (faizlə)

buğda üçün                                    - 2 faizdən çox olmamaqla

III. Dən qarışığı (faizlə):

buğda üçün                                    - 5 faizdən çox olmamaqla

IV. Nəmlik (faizlə) -

bütün bitkilər üçün                            - 13,0 faizdən çox olmamaqla

V. Yapışqanlıq - 3-cü sinif

buğda üçün                                      - 23 faizdən az olmamaqla

yapışqanlığın keyfiyyəti                      - 2-ci qrupdan aşağı olmamaqla

VI. Şüşəvarilik

1-ci və 2-ci sinif buğdalar üçün             - 60 faizdən az olmamaqla

3-cü və 4-cü sinif buğdalar üçün           - məhdudlaşdırılmır

VII. İyi və dad-bütün bitkilər üfunət,

səməni, acıyovşan və ya dənli bitkilərə

xas olmayan və onların emalı məhsullarına

keçən (kerosin, benzin, sarımsaq və buna

oxşar maddələr) digər iy və dad                 - yol verilmir

VIII. Sürmə ilə sirayətlənmiş dənlər             - yol verilmir

IX. Anbar ziyanvericiləri ilə sirayətlənmə

bütün bitkilər üçün                                      - yol verilmir

X. Digər əlamətlər - bütün bitkilər üçün        - yol verilmir

karantin və iqtisadi cəhətdən təhlükəli

xəstəlik, zərərverici və alaq otlarının

toxumları olan dən (heyvanların yoluxucu

və ya tarlada qışlayan xəstəliklərlə

sirayətlənmiş, tərkibi toksiki elementlər,

radionukleidlər, pestisidlərlə çirklənmiş

dənlər, həmçinin, ekoloji baxımdan

əlverişsiz təsərrüfatlarda becərilmiş məhsul)

Bildirilir ki, bu keyfiyyətlərə cavab verməyən məhsul qəbul edilməyəcəkdir.

Əlaqə telefonları və qəbul məntəqələrinin ünvanları:

"Dəvəçi-Dəyirman" MMC - Dəvəçi şəhəri, (0-55) 760-35-05; (0-50) 382-35-84

"Karat Holdinq" - Xırdalan şəhəri, (0-50) 223-18-97

"FATOĞLU" - Gəncə şəhəri, 022-5-69-44-44; 012-418-45-38, (0-50) 222-08-20

N.Quliyev adına Bakı-Taxıl - Dərnəgül qəsəbəsi, 012-567-00-76; 566-21-72

"Araz" ASC - Zığ şossesi 27 (0-50) 502-29-08; 012-479-10-29, faks: 473-90-00

"Aveta" - Kürdəmir şəhəri, (0-50) 200-11-97

"Tovuz-Baltiya" - Tovuz, İbrahim Hacılı kəndi, (0-50) 527-80-95

"Neon" - Gəncə şəhəri, (0-50) 220-30-27

Digər məlumatlar

“Serbiya-2018” beynəlxalq təlimində fərqlənmiş FHN əməkdaşları təltif olunmuşlar

17 oktyabr 2018-ci il tarixində Fövqəladə Hallar Nazirliyində “Serbiya-2018” beynəlxalq təlimində fərqlənmiş bir qrup FHN əməkdaşının təltif olunması mərasimi keçirilmişdir. Təltifləri təlim iştirakçılarına təqdim edən fövqəladə hallar nazirinin müavini general-leytenant Etibar Mirzəyev onları təbrik edərək xidmətdə uğurlar arzulamışdır. ...

Ardını oxu

Fövqəladə hallar naziri Kəmaləddin Heydərov Badamdar şosesində baş verən sürüşmə zonasında olmuşdur

Oktyabrın 13-də Fövqəladə hallar naziri general-polkovnik Kəmaləddin Heydərov  Badamdar şosesində baş verən sürüşmə zonasında olmuşdur. Nazir sürüşmə zonasındakı vəziyyətlə yaxından tanış olmuş, lazımi işlərin görülməsi ilə əlaqədar nazirliyin müvafiq qurumlarının rəhbərlərinə tapşırıqlar vermişdir.​...

Ardını oxu

Azərbaycanda yanğınsöndürmə xidmətinin yaradılmasının 100 illiyi münasibətilə tədbir keçirilmişdir

Fövqəladə Hallar Nazirliyinin Həmkarlar İttifaqı 10 oktyabr 2018-ci il tarixində FHN-in Binəqədi rayon Dövlət Yanğından Mühafizə İdarəsində Azərbaycanda yanğınsöndürmə xidmətinin yaradılmasının 100 illiyi münasibətilə təntənəli tədbir keçirmişdir. ...

Ardını oxu