Geri

Məktəblərdə maarifləndirmə tədbirləri davam edir

Fövqəladə hallar zamanı davranış qaydalarının təbliği məqsədilə növbəti tədbir Fövqəladə Hallar Nazirliyinin Xüsusi Riskli Xilasetmə Xidmətinin təşəbbüsü ilə oktyabrın 23-də Bakı şəhəri, Nərimanov rayonundakı 82 saylı orta məktəbdə keçirilmişdir.

Tədbirdə fövqəladə hallar zamanı, o cümlədən partlayıcı maddələr aşkar olunduqda davranış qaydaları, xüsusi riskli axtarış və qəza-xilasetmə əməliyyatları zamanı zərərçəkmişlərə ilk yardımın göstərilməsi, habelə Xüsusi Riskli Xilasetmə Xidmətinin fəaliyyəti ilə bağlı nümayiş etdirilən materiallar məktəblilərin böyük marağına səbəb olmuşdur.

Xatırladaq ki, analoji tədbir oktyabrın 19-da Bakı şəhəri, Suraxanı rayonundakı 318 saylı orta məktəbdə keçirilmişdir.

Digər məlumatlar

“Serbiya-2018” beynəlxalq təlimində fərqlənmiş FHN əməkdaşları təltif olunmuşlar

17 oktyabr 2018-ci il tarixində Fövqəladə Hallar Nazirliyində “Serbiya-2018” beynəlxalq təlimində fərqlənmiş bir qrup FHN əməkdaşının təltif olunması mərasimi keçirilmişdir. Təltifləri təlim iştirakçılarına təqdim edən fövqəladə hallar nazirinin müavini general-leytenant Etibar Mirzəyev onları təbrik edərək xidmətdə uğurlar arzulamışdır. ...

Ardını oxu

Fövqəladə hallar naziri Kəmaləddin Heydərov Badamdar şosesində baş verən sürüşmə zonasında olmuşdur

Oktyabrın 13-də Fövqəladə hallar naziri general-polkovnik Kəmaləddin Heydərov  Badamdar şosesində baş verən sürüşmə zonasında olmuşdur. Nazir sürüşmə zonasındakı vəziyyətlə yaxından tanış olmuş, lazımi işlərin görülməsi ilə əlaqədar nazirliyin müvafiq qurumlarının rəhbərlərinə tapşırıqlar vermişdir.​...

Ardını oxu

Azərbaycanda yanğınsöndürmə xidmətinin yaradılmasının 100 illiyi münasibətilə tədbir keçirilmişdir

Fövqəladə Hallar Nazirliyinin Həmkarlar İttifaqı 10 oktyabr 2018-ci il tarixində FHN-in Binəqədi rayon Dövlət Yanğından Mühafizə İdarəsində Azərbaycanda yanğınsöndürmə xidmətinin yaradılmasının 100 illiyi münasibətilə təntənəli tədbir keçirmişdir. ...

Ardını oxu