Geri

Fövqəladə Hallar Nazirliyi işçilərinin Həmkarlar İttifaqının onlayn iclası keçirilib

22 may 2020-ci il tarixində FHN işçilərinin Həmkarlar İttifaqı FHN-in aparatı, regional mərkəzləri və qurumlarında fəaliyyət göstərən həmkarlar ittifaqı komitəsi sədrlərinin iştirakı ilə onlayn iclas keçirib.

Fövqəladə Hallar Nazirliyi işçilərinin Həmkarlar İttifaqının sədri Mehman İsmayılovun rəhbərliyi ilə keçirilən iclasda dünyanı sarsıdan “COVID-19” pandemiyasının qarşısının alınması və onun ölkə iqtisadiyyatına vurduğu fəsadların minimuma endirilməsi, vətəndaşların sosial rifah halının daha da gücləndirilməsi ilə bağlı ölkə Prezidenti cənab İlham Əliyevin rəhbərliyi altında görülmüş işlər, həmçinin, Heydər Əliyev Fondunun bu sahədə verdiyi böyük töhfələr yüksək qiymətləndirilib. İttifaqın sədri Mehman İsmayılov çıxışında qeyd edib ki, Prezident İlham Əliyevin müdrik rəhbərliyi altında görülmüş işlər, qabaqlayıcı tədbirlər pandemiyanın ölkəmizdə geniş vüsət almasının qarşısını almağa imkan verdi. “Təsadüfü deyildir ki, Ümumdünya Səhiyyə Təşkilatı Azərbaycanda bu sahədə görülən işləri yüksək qiymətləndirib və Azərbaycanı nümunəvi ölkə adlandırıb”.

Natiq çıxışında bildirib ki, dövlət başçısının tapşırıq və tövsiyələrinə, imzaladığı sərəncamlara uyğun olaraq həssas təbəqələrə sosial dəstək verilib, birdəfəlik ödənişlər ayrılıb, ictimai iş yerlərinin sayı artırılıb, həm də koronavirus təhlükəsi, karantin rejimi ilə bağlı fəaliyyəti məhdudlaşmış sahibkarlıq subyektlərinə yardımlar olunub.

Mehman İsmayılov çıxışında vurğulayıb ki, “Biz birlikdə güclüyük” aksiyası çərçivəsində Azərbaycan Respublikasının Birinci vitse-prezidenti Mehriban xanım Əliyevanın təşəbbüsü ilə Heydər Əliyev Fondu yüz mindən artıq ailəyə yardım paylayıb. Fondun “Regional İnkişaf” İctimai Birliyi tərəfindən “150 Çağrı mərkəzi”nə daxil olan müraciətlər əsasında sovqatların hazırlanması və onların ünvanlara çatdırılması təmin edilib.

Nazirlik tərəfindən görülən işlərə toxunan natiq, həmçinin, Fövqəladə Hallar Nazirliyi işçilərinin Həmkarlar İttifaqının Azərbaycan Həmkarlar İttifaqları Konfederasiyası ilə əlaqəli şəkildə gördüyü tədbirlərdən də söz açıb.

Daha sonra iclasda karantin rejimi dövründə həmkarlar ittifaqı komitələrinin fəaliyyəti müzakirə olunub və onların fəaliyyət istiqamətləri müəyyənləşdirilib, gündəlikdə duran digər məsələlər ətrafında fikir mübadiləsi aparılaraq müvafiq qərarlar qəbul edilib.

 

 

Digər məlumatlar

Maarifləndirmə tədbirləri davam edir

21 sentyabr 2020-ci il tarixində Fövqəladə Hallar Nazirliyinin Dövlət Yanğın Nəzarəti Xidmətinin Muğan regional Dövlət Yanğın Nəzarəti İdarəsi “Pambıqçılığın yanğın təhlükəsizliyi” mövzusunda “P-Aqro” MMC-nin Sabirabad və Salyan rayon Pambıq qəbulu məntəqələrində maarifləndirmə tədbiri keçirib. ...

Ardını oxu

FHN-in Dövlət Yanğın Nəzarəti Xidməti maarifləndirmə tədbirlərini davam etdirir

18 sentyabr 2020-ci il tarixində Fövqəladə Hallar Nazirliyinin Dövlət Yanğın Nəzarəti Xidmətinin Qarabağ regional Dövlət Yanğın Nəzarəti İdarəsi “Pambıqçılığın yanğın təhlükəsizliyi” mövzusunda “MKT İK” MMC-nin Ağdam filialında maarifləndirmə tədbiri keçirib. ...

Ardını oxu

Maarifləndirmə tədbirləri davam etdirilir

17 sentyabr 2020-ci il tarixində Fövqəladə Hallar Nazirliyinin Dövlət Yanğın Nəzarəti Xidmətinin Qarabağ regional Dövlət Yanğın Nəzarəti İdarəsi “Pambıqçılığın yanğın təhlükəsizliyi” mövzusunda Ağdam rayon Pambıq istehsalı və tədarükü məntəqəsində, Muğan regional Dövlət Yanğın Nəzarəti İdarəsi isə Saatlı rayon Pambıq tədarükü və emalı zavodunda  maarifləndirmə tədbirləri keçirib.......

Ardını oxu