Geri

Fövqəladə Hallar Nazirliyinin Dövlət Yanğından Mühafizə Xidməti Şabran rayonunda regional müşavirə keçirib

Fövqəladə Hallar Nazirliyinin Dövlət Yanğından Mühafizə Xidməti 20 may 2020-ci il tarixində Şabran şəhərində cari ilin ötən dövrü ərzində şimal regionu üzrə baş vermiş yanğınlarla bağlı əməliyyat şəraitinin vəziyyətinin, görülmüş işlər və qarşıda duran vəzifələrin müzakirəsinə həsr olunmuş müşavirə keçirib.

Fövqəladə Hallar Nazirliyinin Dövlət Yanğından Mühafizə Xidmətinin rəisi daxili xidmət general-mayoru Füzuli Əsədovun sədrliyi ilə keçirilən müşavirədə xidmətin təşkili, şəxsi heyətin döyüş qabiliyyətinin və peşə hazırlığının daha da yüksəldilməsi, baş vermiş yanğınların qarşısının az itkilərlə alınması və operativ söndürülməsi istiqamətində Xızı, Siyəzən, Şabran, Xaçmaz, Quba və Qusar rayon DYM hissələrinin xidməti fəaliyyəti təhlil edilib. Müşavirədə 2020-ci ilin 4 ayı ərzində əməliyyat-xidmət fəaliyyətinin nəticələri və eləcə də baş vermiş yanğınların statistik nəticə və göstəriciləri müzakirə olunaraq 2019-cu ilin müvafiq dövrü ilə müqayisədə 2020-ci ilin ötən dövrü ərzində yanğınların sayının artdığı bildirilib. Qeyd olunub ki, yanğınların sayının artmasına səbəb açıq sahələrdə baş vermiş yanğınlardır.

Toplantıda Fövqəladə Hallar Nazirliyinin Dövlət Yanğından Mühafizə Xidmətinin rəisi daxili xidmət general-mayoru Füzuli Əsədov acıq sahələrdə yanğınların sayının artmasını ciddi narahatçılıq doğuran hal kimi qiymətləndirərək bu sahədə müvafiq qurumlarla birgə aidiyyəti üzrə zəruri tədbirlərin həyata keçirilməsinin vacibliyini vurğulayıb. Xidmət rəisi dənli və texniki bitkilərin yetişdirilməsi, tədarükü zamanı yanğından mühafizə qurumlarının üzərinə düşən vəzifələrdən də danışaraq müvafiq tapşırıqlar verib.

Tədbirdə yay fəslinin gəlməsi ilə əlaqədar meşələrdə baş verə biləcək yanğın hadisələrinin qarşısının alınması üçün müvafiq qüvvə və vasitələrin hazırlıq vəziyyətinin nəzərdən keçirilməsi, nasaz yanğınsöndürmə alət və avadanlıqların vaxtında təmir edilməsi və eləcə də yeniləri ilə əvəzlənməsi, yerli icra və bələdiyyə nümayəndələri, təsərrüfat rəhbərləri ilə yanğına qarşı müvafiq maarifləndirmə tədbirlərinin keçirilməsinin vacibliyi vurğulanıb.

Şimal bölgəsində keçirilən müşavirədə ölkədə koronavirus infeksiyasının (COVİD-19) yayılmasının qarşısının alınması ilə bağlı Nazirlər Kabineti yanında Operativ Qərargahın tələb və tövsiyələrinə uyğun olaraq fasiləsiz fəaliyyət göstərən dövlət müəssisələrindən olan Fövqəladə Hallar Nazirliyinin Dövlət Yanğından Mühafizə Xidmətinin hissə və bölmələrində bundan sonra da ehtiyat tədbirlərinin gücləndirilməsinin, bu məqsədlə xüsusi lisenziya ilə fəaliyyət göstərən ixtisaslaşmış xidmətlərlə birlikdə sanitar-gigiyenik tədbirlərin həyata keçirilməsinin, əməkdaşların daha çox təmasda olduğu ərazilərdə, o cümlədən yanğınsöndürmə növbəsi, sinif, istirahət otaqlarında, qarajda, giriş-çıxış qapılarında dezinfeksiya işlərinin davam etdirilməsinin, şəxsi heyətlə maarifləndirici söhbətlərin aparılmasının vacibliyi vurğulanaraq müvafiq göstərişlər verilib.

Müşavirədə DYMX-nin şöbə rəisləri tərəfindən DYM hissələrinin rəislərinə hissə və bölmələrdə xidmətin təşkili və peşə hazırlığı, yanğın texnikalarının istismarının təşkili və digər aidiyyəti məsələlərlə bağlı tövsiyələr verilib.

Digər məlumatlar

Maarifləndirmə tədbirləri davam edir

21 sentyabr 2020-ci il tarixində Fövqəladə Hallar Nazirliyinin Dövlət Yanğın Nəzarəti Xidmətinin Muğan regional Dövlət Yanğın Nəzarəti İdarəsi “Pambıqçılığın yanğın təhlükəsizliyi” mövzusunda “P-Aqro” MMC-nin Sabirabad və Salyan rayon Pambıq qəbulu məntəqələrində maarifləndirmə tədbiri keçirib. ...

Ardını oxu

FHN-in Dövlət Yanğın Nəzarəti Xidməti maarifləndirmə tədbirlərini davam etdirir

18 sentyabr 2020-ci il tarixində Fövqəladə Hallar Nazirliyinin Dövlət Yanğın Nəzarəti Xidmətinin Qarabağ regional Dövlət Yanğın Nəzarəti İdarəsi “Pambıqçılığın yanğın təhlükəsizliyi” mövzusunda “MKT İK” MMC-nin Ağdam filialında maarifləndirmə tədbiri keçirib. ...

Ardını oxu

Maarifləndirmə tədbirləri davam etdirilir

17 sentyabr 2020-ci il tarixində Fövqəladə Hallar Nazirliyinin Dövlət Yanğın Nəzarəti Xidmətinin Qarabağ regional Dövlət Yanğın Nəzarəti İdarəsi “Pambıqçılığın yanğın təhlükəsizliyi” mövzusunda Ağdam rayon Pambıq istehsalı və tədarükü məntəqəsində, Muğan regional Dövlət Yanğın Nəzarəti İdarəsi isə Saatlı rayon Pambıq tədarükü və emalı zavodunda  maarifləndirmə tədbirləri keçirib.......

Ardını oxu