Geri

FHN-in Mülki müdafiə qoşunları maarifləndirmə tədbiri keçirib

27 fevral 2020-ci il tarixində Fövqəladə Hallar Nazirliyinin Mülki müdafiə qoşunlarının Lənkəran şəhərində yerləşən “N” saylı hərbi hissəsində Lənkəran şəhər Gənclər və İdman Baş idarəsinin, eləcə də Lənkəran Dövlət Humanitar Kolleci tələbələrinin və Lənkəran rayonu Sütəmordov kənd orta məktəbinin şagirdlərinin təmsil olunduqları “Şahinlər” komandalarının birgə iştirakı ilə maarifləndirici tədbir keçirilib.  

Hərbi hissənin sıra meydanında düzülən iştirakçılara mülki müdafiə haqqında nəzəri biliklər verilib. İştirakçılara 1 Mart – Beynəlxalq Mülki Müdafiə Gününün yaranması, nazirliyin Mülki müdafiə qoşunlarının fəaliyyəti və xilasetmə avadanlıqları haqqında ətraflı məlumat verilib. Sonra iştirakçılara təlim nöqtələrinin açılması, zərərçəkmişlərin xilas edilməsi, onlara ilk tibbi yardımın göstərilməsi və s. bu kimi praktik tapşırıqlar verilib. Tədbirə cəlb olunmuş məktəbli gənclər fərdi mühafizə vasitələri, mühəndis istehkam qurğuları ilə tanış olublar.

Bildirilib ki, təbii fəlakətlərin və texnogen qəzaların tez-tez baş verdiyi müasir dünyada mülki müdafiə işinin, mülki əhalinin təxliyəsinin təşkil edilməsi, elecə də zərərçəkmiş insanların mənəvi-psixoloji vəziyyətinin yaxşılaşdırılması məqsədilə bu kimi maarifləndirici tədbirlərin keçrilməsi xüsusilə əhəmiyyətlidir.

Digər məlumatlar

Taxıl zəmilərində, otlaq sahələrində və meşə fondu ərazilərində yanğın təhlükəsizliyinə riayət olunmalıdır

Yanğın təhlükəsizliyinin təmin edilməsi ilə bağlı əkin sahələrində baş vermiş yanğınların qarşısının alınması məqsədilə Tərtər və Cəlilabad rayon İcra Hakimiyyətində qərərgahlar yaradılıb....

Ardını oxu

Yanğın təhlükəsizliyi müzakirə olunub

Sabirabad rayonu ərazisində dənli və texniki bitkilərin yığılması, daşınması, saxlanılması və emalı dövründə, eləcə də meşə zolaqlarında  yanğın təhlükəsizliyinin təmin edilməsi məqsədilə......

Ardını oxu

Əkin sahələrinin yanğın təhlükəsizliyinə dair videokonfranslar keçirilib

Taxıl və dənli bitkilərin biçin mövsümü ilə əlaqədar olaraq Yevlax və Göyçay rayonlarında əkin sahələrində yanğın təhlükəsizliyinin təmin edilməsi məqsədilə həmin rayonların icra hakimiyyətlərində müvafiq qərargahlar yaradılıb....

Ardını oxu