Geri

FHN-in Beynəlxalq Axtarış-xilasetmə Dəstəsi taktiki-xüsusi təlim keçirib

23-24 yanvar 2020-ci il tarixlərində Fövqəladə Hallar Nazirliyinin Beynəlxalq Axtarış-xilasetmə Dəstəsinin şəxsi heyətinin iştirakı ilə taktiki-xüsusi təlim keçirilib.

“Beynəlxalq Axtarış-xilasetmə Dəstəsinin təbii fəlakət nəticəsində zərərçəkmiş ölkəyə beynəlxalq yardımın göstərilməsində iştirakı zamanı fəaliyyətin təşkili” mövzusunda keçirilən təlimin məqsədi Dəstənin şəxsi heyətinin İNSARAG qaydalarına uyğun fəaliyyət sahəsində maarifləndirilməsi və təlimatlandırılmasını təşkil etmək olub. Bundan əlavə, Dəstənin idarə heyətinin beynəlxalq axtarış-xilasetmə tədbirlərinin həyata keçirilməsi zamanı idarəetmə və qarşılıqlı fəaliyyətin təşkili sahəsində bilik və bacarıqlarının artırılması da qarşıya qoyulan əsas məqsədlərdən olub.

Əvvəlcə, Fövqəladə Hallar Nazirliyinin Beynəlxalq Axtarış-xilasetmə Dəstəsinin şəxsi heyətinin iştirakı ilə Nazirliyin Mülki Müdafiə Qoşunlarında təlimə hazırlıq məqsədilə toplantı keçirilib. Tədbirdə FHN-in Baş əməliyyat idarəsinin rəis müavini polkovnik-leytenant Ələsgər Əliyev çıxış edərək Nazirliyin Beynlxalq Axtarış-xilasetmə Dəstəsinin Türkiyə Respublikasının Daxili İşlər Nazirliyi Fəlakət və Fövəladə Hallar Departamentinin (AFAD) dəvəti ilə 12-18 yanvar 2020-ci il tarixlərində Ankara şəhərində keçirilmiş təlimdə iştirakı və əldə olunan təcrübə barədə məlumat verib. Sonra toplantıda təlimin gedişində şəxsi heyətin nəzəri biliklərinin artırılması məqsədilə təqdimatlar edilib, iştirakçıları maraqlandıran suallar cavablandırılıb.

Daha sonra Beynəlxalq Axtarış-xilasetmə Dəstəsinin şərti olaraq yardım üçün müraciət etmiş ölkəyə beynəlxalq axtarış-xilasetmə tədbirlərində iştirak etmək məqsədilə göndərilməsi üçün hazırlıq vəziyyətinə gətirilməsi, hadisə yerindəki mövcud vəziyyətin qiymətləndirilməsi, idarəetmə və qarşılıqlı fəaliyyətin təşkili, dağıntılar altından zərərçəkənlərin xilas edilməsi üzrə tədbirlər həyata keçirilib. Eləcə də beynəlxalq humanitar əməliyyatlar zamanı texniki təhlükəsizlik qaydalarına riayət olunması, həyat və sağlamlığın qorunması üzrə əməli vərdişlərin aşılanması da diqqət mərkəzində olub.

Təlim zamanı qarşıya qoyulmuş məqsədlərə nail olunub.

Digər məlumatlar

FHN-in Bakı Regional Mərkəzi maarifləndirmə tədbiri keçirib

20 fevral 2020-ci il tarixində FHN-in Bakı Regional Mərkəzi Səbail rayonu 50 nömrəli tam orta məktəbin şagird və müəllim heyətinə “Fövqəladə hallarla bağlı davranış qaydaları” mövzusunda maarifləndirmə tədbir keçirib. ...

Ardını oxu

FHN, DİN və Səhiyyə Nazirliyinin qurumları birgə təlim keçirib

“Azərbaycan Respublikasında yol hərəkətinin təhlükəsizliyinə dair 2019-2023-cü illər üçün Dövlət Proqramı”nın icrası ilə əlaqədar 20 fevral 2020-ci il tarixində Bakı-Astara magistral avtomobil yolunun 140-cı kilometrliyində Baş Dövlət Yol Polisi idarəsinin Yol patrul xidməti alayının 11-ci tağımının ərazisində (Masallı rayonunda) təlim təşkil olunub. ...

Ardını oxu

Maarifləndirmə tədbirləri davam edir

20 fevral 2020-ci il tarixində FHN-in Dövlət Yanğın Nəzarəti Xidmətinin Gəncə regional Dövlət Yanğın Nəzarəti İdarəsi Gəncə şəhər 32 nömrəli tam orta məktəbində......

Ardını oxu