Geri

FHN-in Dövlət Yanğın Nəzarəti Xidməti maarifləndirmə tədbirlərini davam etdirir

FHN-in Dövlət Yanğın Nəzarəti Xidmətinin İctimai obyektlərə nəzarət sektoru 27 sentyabr 2019-cu il tarixində Bakı şəhərində yerləşən “Armada” oteldə, Cənub regional Dövlət Yanğın Nəzarəti İdarəsi Lənkəran şəhər 3 saylı və Yardımlı rayon Bürzümbül kənd tam orta məktəblərində, Aran regional Dövlət Yanğın Nəzarəti İdarəsi Ucar şəhər 4 saylı və Göyçay rayon Ərəbcəbirli kənd tam orta məktəblərində, Mingəçevir şəhərində yerləşən Tibb Tədris kursunda, Yevlax şəhər 1 saylı Uşaq bağcası və  "Azərpambıq ASK" MMC-nin Tərtər filialında, 4-cü ərazi Dövlət Yanğın Nəzarəti İdarəsi Suraxanı rayonunda yerləşən xüsusi qayğıya ehtiyacı olan uşaqların Dövlət Reabilitasiya Mərkəzində, Qarabağ regional Dövlət Yanğın Nəzarəti İdarəsi Füzuli rayon Araz Dilağarda kənd tam orta məktəbdə, Füzuli rayon Araz Zərgər kənd ümumi orta məktəbdə, Ağdam rayon Bənövşələr kənd Uşaq bağcasında, Bərdə şəhər 1 saylı Uşaq musiqi məktəbində, Bərdə şəhər 2 saylı Uşaq bağcasında, Beyləqan şəhər 2 saylı tam orta məktəbdə, Ağcabədi Təhsil Mərkəzində, Ağdam rayon Rzalar kənd Uşaq bağcasında, Şimal-Qərb regional Dövlət Yanğın Nəzarəti İdarəsi Qax şəhər 9 saylı Uşaq bağcasında, Şimal regional Dövlət Yanğın Nəzarəti İdarəsi isə Quba rayon Mərkəzi xəstəxanasında yanğın təhlükəsizliyi sahəsində maarifləndirmə tədbirləri keçirib.

Tədbirlərdə “İnzibati binalar üçün yanğın təhlükəsizliyi qaydaları”, “Dəm qazı təhlükəsi”, “Məişətdə yanğın təhlükəsizliyi”, “112 qaynar xətti”nə nə vaxt zəng etməli?”, “Odsöndürənlərdən istifadə qaydası” barədə, həmçinin adıçəkilən müəssisələrdə yanğın təhlükəsizliyi qaydaları haqqında ətraflı məlumat verilib. Toplantılarda, həmçinin ərazinin daim təmiz vəziyyətdə saxlanılması, normativ sənədlərə uyğun ilkin yanğınsöndürmə vasitələri ilə təmin edilməsi, yanğın zamanı insanların binadan köçürülməsi planlarının, pilləkən qəfəslərində əlavə otaqların quraşdırılmasının yolverilməzliyi, yanğına qarşı su təchizatına - hovuzlara, kəmərlərə, çən və hidrantlara qayğı ilə yanaşılmasının vacibliyi  qeyd olunub, ilkin yanğınsöndürmə vasitələrindən istifadə qaydaları əyani olaraq nümayiş etdirilib, yanğına qarşı təbliğat işində istifadə olunması üçün “Vətəndaşların nəzərinə”, “Yanğın zamanı davranış qaydaları” mövzularında yaddaş vərəqələri və bukletlər paylanılıb.

Digər məlumatlar

FHN-in Dövlət Yanğın Nəzarəti Xidməti maarifləndirmə tədbirləri davam etdirir

10 dekabr 2019-cu il tarixində FHN-in Dövlət Yanğın Nəzarəti Xidmətinin İctimai obyektlərə nəzarət sektoru Bakı şəhəri Nəsimi rayonunda yerləşən “Caspian” otelində, Gəncə regional Dövlət Yanğın Nəzarəti İdarəsi Gəncə şəhər 2 nömrəli Peşə liseyində, Aran regional Dövlət Yanğın Nəzarəti...

Ardını oxu

FHN-in İdman-sağlamlıq mərkəzində maarifləndirmə tədbiri keçirilib

6 dekabr 2019-cu il tarixində Fövqəladə Hallar Nazirliyinin İdman-sağlamlıq mərkəzində məşqçi müəllim heyəti və tələbələrin valideynləri ilə birlikdə “Dövlətin idman siyasəti, idmana diqqət və qayğı, idmanın maddi-texniki bazasının möhkəmləndirilməsi istiqamətində mühüm işlərin aparılması,  idman bölmələrinin və məşqçi müəllimlərin fəaliyyəti” mövzusunda maarifləndirmə tədbiri keçirilib. ...

Ardını oxu

Maarifləndirmə tədbirləri davam etdirilir

9 dekabr 2019-cu il tarixində FHN-in Dövlət Yanğın Nəzarəti Xidmətinin İctimai obyektlərə nəzarət sektoru Bakı şəhəri Qaradağ rayonunda yerləşən “Karolina” otelində, Aran regional Dövlət Yanğın Nəzarəti İdarəsi......

Ardını oxu