Geri

Birləşmiş Millətlər Təşkilatının Humanitar Məsələləri Koordinasiya Ofisinin nümayəndə heyəti ilə işçi görüş keçirilib

23-26 sentyabr 2019-cu il tarixlərində Birləşmiş Millətlər Təşkilatının Humanitar Məsələləri Koordinasiya Ofisinin (UN OCHA)  MDB ölkələri üzrə əlaqələndiricisi Roberto Kolancelonun rəhbərlik etdiyi nümayəndə heyəti ilə Birləşmiş Millətlər Təşkilatının təşkilatçılığı və Fövqəladə Hallar Nazirliyinin dəstəyi ilə Bakı şəhərində keçiriləcək regional beynəlxalq təlimə hazırlıq üzrə işçi qrupun görüşü keçirilib. Görüşün məqsədi 3-8 noyabr 2019-cu il tarixlərində “Zəlzələ hadisələrində cavabvermə” mövzusunda Bakı şəhərində keçiriləcək regional beynəlxalq təlimə hazırlıq üzrə tədbirlərin müəyyən olunması,  bu sahədə qarşılıqlı fəaliyyətə dair məsələlərin müzakirəsindən ibarət olub. Nazirliyin aidiyyəti qurumlarının nümayəndələrinin də iştirak etdiyi işçi görüşdə ekspertlər - Mati Raidma və Loftson Olafur öz təcrübələrini tədbir iştirakçıları ilə bölüşüb, təlimə hazırlıq və təlim zamanı fəaliyyətə dair tövsiyələrini diqqətə çatdırıblar. Nazirliyin Baş əməliyyat idarəsinin rəis müavini polkovnik-leytenant Ələsgər Əliyev beynəlxalq regional təlimin Azərbaycanda keçirilməsindən məmnunluq duyduğunu, Nazirliyin əməkdaşlarının planlaşdırılan təlimdə iştirakının onların irimiqyaslı fəlakətlər zamanı fəaliyyət sahəsində təcrübələrinin daha da artırılmasında, həmçinin Beynəlxalq Axtarış-xilasetmə dəstəsinin idarə heyətinin beynəlxalq İNSARAG sinifləndirilməsinə hazırlanmasında mühüm əhəmiyyət daşıdığını diqqətə çatdırıb, təlimin hazırlanması və keçirilməsi ilə bağlı dəstəyə görə qonaqlara təşəkkürünü bildirib. Tədbirin gedişində qurumların əməkdaşlarına təlimə hazırlıq tədbirlərinin həyata keçirilməsi ilə bağlı tapşırıqlar verilib.

FHN-in Beynəlxalq əlaqələr idarəsinin Beynəlxalq əməkdaşlıq şöbəsinin rəisi polkovnik-leytenant Rəşad Qasımzadə təlimdə xarici ölkələrdən olan ekspertlərin və komandaların iştirak edəcəyini qeyd edərək, təlimin təcrübə mübadiləsi və əməkdaşlığın daha da genişləndirilməsi üçün zəmin yaradacağını bildirib.

Səfər çərçivəsində ekspertlər Nazirliyin Akademiyasının rəisi general-mayor Baba Salayev ilə  görüşüblər. Qonaqları salamlayan general-mayor Baba Salayev Akademiyanın fəaliyyəti və imkanları barədə qonaqlara məlumat verib, təlimin keçirilməsi üçün Akademiyada münbit şəraitin olduğunu diqqətə çatdırıb. Qonaqlar Akademiyanın ərazisi və maddi-texniki bazası ilə tanış olub, təlim zamanı auditoriya otaqlarından istifadə olunması və maddi-texniki təminat məsələləri ilə bağlı fikir mübadiləsi aparıblar. Görüşün sonunda xatirə fotosu çəkdirilib.

Digər məlumatlar

Fövqəladə Hallar Nazirliyi işçilərinin Həmkarlar İttifaqının onlayn iclası keçirilib

22 may 2020-ci il tarixində FHN işçilərinin Həmkarlar İttifaqı FHN-in aparatı, regional mərkəzləri və qurumlarında fəaliyyət göstərən həmkarlar ittifaqı komitəsi sədrlərinin iştirakı ilə onlayn iclas keçirib.  ...

Ardını oxu

Fövqəladə Hallar Nazirliyinin Dövlət Yanğından Mühafizə Xidməti Şabran rayonunda regional müşavirə keçirib

Fövqəladə Hallar Nazirliyinin Dövlət Yanğından Mühafizə Xidməti 20 may 2020-ci il tarixində Şabran şəhərində cari ilin ötən dövrü ərzində şimal regionu üzrə baş vermiş yanğınlarla bağlı əməliyyat şəraitinin vəziyyətinin, görülmüş işlər və qarşıda duran vəzifələrin müzakirəsinə həsr olunmuş müşavirə keçirib. ...

Ardını oxu

FHN-in Cənub Regional Mərkəzi tərəfindən qanvermə aksiyası keçirilib

Heydər Əliyev Fondunun çağırışına və təşəbbüsünə dəstək olaraq Fövqəladə Hallar Nazirliyinin regionlarda yerləşən strukturları da könüllü qanvermə aksiyasına qoşulur. ...

Ardını oxu