Geri

FHN-in Dövlət Yanğından Mühafizə Xidməti “Bulla-dəniz” yatağında yerləşən 6 sayli platformada yanğın təhlükəsizliyi tədbiri keçirib

Fövqəladə Hallar Nazirliyinin Dövlət Yanğından Mühafizə Xidməti N.Nərimanov adina Neft-Qaz Çixarma İdarəsinin “Bulla-dəniz” yatağında yerləşən 6 sayli platformada yanğın təhlükəsizliyinin təmin olunması ilə bağlı maarifləndirici tədbir keçirib.   

 “Neft sənayesinin yanğın təhlükəsizliyi: ərazi, bina və avadanlıqlara olan tələblər” mövzusunda keçirilən nəzəri-praktiki seminarda müəssisənin əməkdaşlarına ərazinin saxlanma xüsusiyyətləri, o cümlədən yollar, yanğın təhlükəsizliyi normalarına uyğun aralıq məsafələr, binalar, su mənbələrinə və digər obyektlərə keçid yollarına dair tələblər barədə məlumat verilib. Habelə maddə və materialların, yanğınsöndürmə və yanğın rabitə siqnalizasiya vasitələrinin saxlanılması, nəqliyyat vasitələrinin müəssisə ərazisinə buraxılması qaydaları barədə də söhbət aparılıb. Bundan əlavə, seminar iştirakçıları istehsalat müəssisələrində və inzibati  binalarda yanğın təhlükəsizliyi, həmçinin yanğına qarşı su təchizatına dair tələblər barədə məlumatlandırılıb. Həmçinin bildirilib ki, yanğın təhlükəsizliyinin təmin olunmasında ən vacib vəzifələrdən biri də müəssisələr tərəfindən mühəndis və texniki işçilərə yanğın təhlükəsizliyi tələblərinin öyrədilməsidir. Tədbirdə əməkdaşların yanğın təhlükəsizliyi barədə təlimatlandırılmasının zəruriliyi vurğulanıb, bu istiqamətdə fəaliyyətin daha səmərəli təşkil olunması üçün müvafiq tövsiyələr verilib.  

Seminarda ilkin yanğınsöndürmə vasitələri, onların təsnifatı, tətbiq olunma qaydaları haqqında ətraflı məlumat verilib, odsöndürənlərdən istifadə qaydası əyani şəkildə nümayiş etdirilib.  

Digər məlumatlar

Azərbaycan Respublikası Hökuməti və Qətər Dövləti Hökuməti arasında Sərmayə üzrə Birgə İşçi Qrupunun ilk iclası keçirilib

16 oktyabr 2019-cu il tarixində Fövqəladə Hallar Nazirliyində Azərbaycan Respublikası Hökuməti və Qətər Dövləti Hökuməti arasında Sərmayə üzrə Birgə İşçi Qrupunun ilk iclası keçirilib. ...

Ardını oxu

FHN-in Regional Mərkəzlərində maarifləndirmə tədbirləri keçirilib

Fövqəladə Hallar Nazirliyinin Gəncə Regional Mərkəzi Qazax rayonu H. Qaratel adına ümumi orta məktəbində, Şimal-qərb Regional Mərkəzi Zaqatala Dövlət İdarəetmə və Texnologiya Kollecində, Sumqayıt Regional Mərkəzi Abşeron rayonu Güzdək qəsəbə tam orta məktəbində  “Fövqəladə hallarla bağlı davranış qaydaları” mövzusunda maarifləndirmə tədbirləri keçirib. ...

Ardını oxu

FHN-in Dövlət Yanğın Nəzarəti Xidməti maarifləndirmə tədbirlərini davam etdirir

FHN-in Dövlət Yanğın Nəzarəti Xidmətinin Gəncə regional Dövlət Yanğın Nəzarəti İdarəsi  16 oktyabr 2019-cu il tarixində Gəncə şəhər 2 saylı tam orta məktəbdə, Göygöl şəhər 3 saylı tam orta məktəbdə, İctimai obyektlərə nəzarət sektoru Xaçmaz ...

Ardını oxu