Geri

FHN-in Dövlət Yanğın Nəzarəti Xidməti maarifləndirmə tədbirləri keçirir

FHN-in Dövlət Yanğın Nəzarəti Xidməti 10 sentyabr 2019-cu il tarixində Bakı şəhərində yerləşən “Empıre” otelində, Gəncə Regional Dövlət Yanğın Nəzarəti İdarəsi Qazax şəhərində yerləşən “Qazax Konserv Zavodu” ASC-də, Aran Regional Dövlət Yanğın Nəzarəti İdarəsi Göyçay rayon Gigiyena və Epidemiologiya Mərkəzində, Şimal Regional Dövlət Yanğın Nəzarəti İdarəsi Xaçmaz şəhərində yerləşən “NKM medikal” klinikasında, Quba rayon İqriq kənd Tibb məntəqəsi və Şabran rayon Maliyyə İdarəsində, Qarabağ Regional Dövlət Yanğın Nəzarəti İdarəsi Biləsuvar rayonu ərazisində Cəbrayıl rayon məcburi köçkünləri üçün salınmış 4 saylı qəsəbədə yerləşən “Azərxalça” ASC-nin Cəbrayıl rayon filialında və Dövlət Sosial Müdafiə Fondunun Bərdə rayon şöbəsində, Muğan Regional Dövlət Yanğın Nəzarəti İdarəsi Saatlı şəhər 4 saylı Körpələr evi-uşaq bağcasında və Sabirabad rayon Çöl-Beşdəli kəndində həmin kəndin sakinləri ilə, Cənub Regional Dövlət Yanğın Nəzarəti İdarəsi Yardımlı rayon Dövlət Aqrar İnkişaf Mərkəzində, Şimal-Qərb Regional Dövlət Yanğın Nəzarəti İdarəsi isə Ağdaş şəhər 2 saylı Körpələr evi-uşaq bağcasında yanğın təhlükəsizliyi sahəsində maarifləndirmə tədbirləri keçirib.

Tədbirlərdə “İnzibati binalar üçün yanğın təhlükəsizliyi qaydaları”, “Dəm qazı təhlükəsi”, “Məişətdə yanğın təhlükəsizliyi”, “112” qaynar xətti”nə nə vaxt zəng etməli?”, “Meşələrdə yanğın təhlükəsizliyi”, “Odsöndürənlərdən istifadə qaydası” mövzusunda məruzələr edilib, həmçinin sözügedən müəssisələrdə yanğın təhlükəsizliyi qaydaları haqqında ətraflı məlumat verilib. Toplantılarda, həmçinin ərazinin daim təmiz vəziyyətdə saxlanılması, normativ sənədlərə uyğun ilkin yanğınsöndürmə vasitələri ilə təmin edilməsi, yanğın zamanı insanların binadan köçürülməsi planlarının olmasının vacibliyi diqqətə çatdırılıb. Eyni zamanda pilləkən qəfəslərində əlavə otaqların quraşdırılmasının yolverilməzliyi, yanğına qarşı su təchizatına - hovuzlara, kəmərlərə, çən və hidrantlara qayğı ilə yanaşılmasının vacibliyi  qeyd olunub, ilkin yanğınsöndürmə vasitələrindən istifadə qaydaları əyani olaraq nümayiş etdirilib.

Tədbirlərdə yanğına qarşı təbliğat işində istifadə olunması üçün “Vətəndaşların nəzərinə”, “Yanğın zamanı davranış qaydaları” mövzularında yaddaş vərəqələri və bukletlər paylanılıb.

Digər məlumatlar

FHN-in Aran Regional Mərkəzi maarifləndirmə tədbiri keçirib

6 dekabr 2019-cu il tarixində Fövqəladə Hallar Nazirliyinin Aran Regional Mərkəzi Ucar rayon 5 nömrəli tam orta məktəbinin kollektivi ilə “Fövqəladə hallarla bağlı davranış qaydaları” mövzusunda maarifləndirmə tədbiri keçirib....

Ardını oxu

Dövlət Yanğın Nəzarəti Xidməti maarifləndirmə tədbirlərini davam etdirir

6 dekabr 2019-cu il tarixində FHN-in Dövlət Yanğın Nəzarəti Xidmətinin 2-ci ərazi Dövlət Yanğın Nəzarəti İdarəsi Nəsimi rayon 18 nömrəli Uşaq bağçasında, Gəncə regional Dövlət Yanğın Nəzarəti İdarəsi “Aqroservis” ASC-nin Şəmkir regional ...

Ardını oxu

FHN-in Dövlət Yanğın Nəzarəti və Dövlət Yanğından Mühafizə xidmətləri birgə yanğın-taktiki təlim keçirib

5 dekabr 2019-cu il tarixində Fövqəladə Hallar Nazirliyinin Dövlət Yanğın Nəzarəti Xidmətinin İctimai Obyektlərə Nəzarət Sektoru Nərimanov rayon Dövlət Yanğından Mühafizə Hissəsinin əməkdaşları ilə birlikdə Bakı şəhərində keçiriləcək budo idman döyüş ...

Ardını oxu