Geri

FHN-in Qarabağ Regional Mərkəzi səhiyyə müəssisəsində “dəyirmi masa” keçirib

10 sentyabr 2019-cu il tarixində FHN-in Qarabağ Regional Mərkəzinin təşkilatçılığı, FHN-nin Qarabağ Regional Dövlət Yanğın Nəzarəti İdarəsinin əməkdaşlarının iştirakı ilə Xocavənd rayonu Tuğ kənd Xəstəxanasında “Fövqəladə hallarla bağlı davranış və yanğın təhlükəsizliyi qaydaları” mövzusunda “dəyirmi masa” keçirilib.

Tədbir səhiyyə işçilərinə fövqəladə hallar zamanı davranış qaydaları və mülki müdafiə işi ilə bağlı vərdiş və biliklərin aşılanmasına nail olmaq məqsədilə təşkil edilib.

Müəssisə kollektivinin iştirak etdiyi görüşdə FHN-in əməkdaşları “Zəlzələ”, “Dəm qazı”, “Sel və daşqın”,” Əyində geyim yanarkən davranış qaydaları”, “112” qaynar xətti”nə müraciət qaydaları” və “Odsöndürən balonlardan istifadə qaydaları” mövzularında çıxışlar edib, videoçarxlar nümayiş olunub və iştirakçılara təbliğat materialları paylanıb.

Sonra səhiyyə müəssisəsinin təxliyə planının müvafiq qaydalara əməl etməklə düzgün hazırlanmasının, yanğın və texniki təhlükəsizlik tədbirlərinə əməl olunmasına nəzarətin artırılmasının, müəssisənin ehtiyat çıxış qapılarının və zirzəmilərinin daim istifadəyə yararlı vəziyyətdə saxlanılmasının, ilkin yanğınsöndürmə vasitələri ilə təchiz olunmasının vacibliyi tibb işçilərinin diqqətinə çatdırılıb.

Digər məlumatlar

FHN-in Dövlət Yanğın Nəzarəti Xidməti maarifləndirmə tədbirləri keçirir

FHN-in Dövlət Yanğın Nəzarəti Xidmətinin İctimai obyektlərə nəzarət sektoru 16 sentyabr 2019-cu il tarixində Bakı şəhərində yerləşən “Diamont Hotel Baku” otelində......

Ardını oxu

FHN-in Qarabağ Regional Mərkəzi kurslar keçirib

FHN-in Qarabağ Regional Mərkəzi 1-15 sentyabr 2019-cu il tarixlərində Mərkəzin xidməti ərazilərində fəaliyyət göstərən ümumtəhsil məktəblərinin və onlara bərabər tutulan digər təhsil müəssisələrinin mülki müdafiə fənnini tədris edən 2, 5 və 6-cı sinif rəhbərləri ilə kurslar keçirib....

Ardını oxu

FHN-in Sumqayıt Regional Mərkəzi mülki müdafiə məşqi keçirib

13 sentyabr 2019-cu il tarixində Fövqəladə Hallar Nazirliyinin Sumqayıt Regional Mərkəzi Xızı rayonunun yüksək hazırlıqlı ərazi mülki müdafiə qüvvələri ilə xəbərdarlıq və toplanış üzrə nümunəvi mülki müdafiə məşqi keçirib....

Ardını oxu