Geri

FHN-in nümayəndəsi Belarusda məzun günündə iştirak edib

2-5 iyul 2019-cu il tarixlərində Fövqəladə Hallar Nazirliyinin Mülki müdafiə işinin təşkili Baş idarəsinin rəisi general-mayor Niyazi Zamanov Belarus Respublikası Fövqəladə Hallar Nazirliyinin dəvəti ilə Nazirliyin Mülki Müdafiə Universitetinin məzun buraxılışı tədbirində iştirak etmək üçün Minskdə səfərdə olub. Tədbirdə Belarus Respublikasının Fövqəladə Hallar naziri daxili xidmət general-leytenantı Vladimir Vaşenko və bir sıra xarici ölkələrin müvafiq qurumlarının nümayəndələri iştirak ediblər.

FHN-in Baş idarə rəisi N.Zamanov səfər çərçivəsində bir sıra görüşlər keçirib. Görüşlərdə uyğun qurumlar arasında mülki müdafiə işinin təşkili ilə bağlı təcrübə mübadiləsinin genişləndirilməsinin və bununla bağlı təhsil sahəsində əməkdaşlığın əhəmiyyətindən danışılıb.

Aralarında azərbaycanlı məzunların da olduğu buraxılış mərasimində çıxış edən FHN-in Mülki müdafiə işinin təşkili Baş idarəsinin rəisi general-mayor Niyazi Zamanov dəvətə görə təşəkkürünü bildirib, məzunları təbrik edərək onlara uğurlar arzulayıb.

Digər məlumatlar

Maarifləndirmə tədbirləri davam etdirilir

15 noyabr 2019-cu il tarixində FHN-in Dövlət Yanğın Nəzarəti Xidmətinin İctimai obyektlərə nəzarət sektoru Bakı şəhəri Nəsimi rayonunda yerləşən “Centiral Park” otelində, 2-ci ərazi Dövlət Yanğın Nəzarəti İdarəsi......

Ardını oxu

FHN-in regional mərkəzləri maarifləndirmə tədbirləri keçirib

Fövqəladə Hallar Nazirliyinin Cənub Regional Mərkəzi Masallı şəhər 3 nömrəli tam orta məktəbində, Aran Regional Mərkəzi Naftalan şəhər S.Vurğun adına 2 nömrəli tam orta məktəbində “Fövqəladə hallarla bağlı davranış qaydaları” mövzusunda maarifləndirmə tədbirləri keçirib. ...

Ardını oxu

FHN-in İdman-sağlamlıq mərkəzində sərbəst güləş üzrə çempionat keçirilib

13-15 noyabr 2019-cu il tarixlərində Fövqəladə Hallar Nazirliyinin İdman-sağlamlıq mərkəzi və FHN işçilərinin Həmkarlar İttifaqının birgə təşkilatçılığı ilə nazirliyin əməkdaşları arasında sərbəst güləş üzrə çempionat keçirilib. ...

Ardını oxu