Geri

FHN-in Şimal-qərb Regional Mərkəzi görüş keçirib

Fövqəladə Hallar Nazirliyinin Şimal-qərb Regional Mərkəzi 23 iyul 2019-cu il tarixində Qəbələ rayon Nohurqışlaq kənd İnzibati Ərazi Nümayəndəliyində “Su hövzələrində insanların təhlükəsizliyinin təmin olunması sahəsində aidiyyəti yerli icra hakimiyyəti və özünüidarəetmə orqanları ilə birgə müvafiq tədbirlərin həyata keçirilməsi” mövzusunda görüş keçirilmişdir. Tədbirdə FHN-in Kiçik Həcmli Gəmilərə Nəzarət və Sularda Xilasetmə Dövlət Xidmətinin Qəbələ məntəqəsinin əməkdaşları, Qəbələ rayonu Vəndam qəsəbə, Nohurqışlaq kənd inzibati ərazi dairələri üzrə nümayəndələri, bələdiyyə sədrləri və üzvləri, Nohur gölü ətrafında fəaliyyət göstərən istirahət obyektlərinin rəhbərləri, həmçinin, kənd sakinləri iştirak edib.

Tədbirdə “Fövqəladə hallar barədə ümumi məlumat”, “Baş verə biləcək hadisələrin qarşısının alınmasında təbliğatın rolu”, “Su hövzələrində insanların təhlükəsizliyinin təmin olunması sahəsində aidiyyəti yerli icra hakimiyyəti və özünüidarəetmə orqanları ilə qarşılıqlı fəaliyyətin təşkili və birgə müvafiq tədbirlərin həyata keçirilməsi”, “Su hövzələrində insanların təhlükəsizliyinin təmin edilməsi, xilasetmə əməliyyatlarının həyata keçirilməsi”, “Su obyektlərində istifadə olunan istirahət və idman qurğularında texniki təhlükəsizlik qaydaları”, “112” qaynar telefon xətti” mövzularında məlumat verilib. Daha sonra əhalinin və ərazilərin təhlükəsizliyinin təmin edilməsi məqsədi ilə aparılmış monitorinqlər, həmçinin, ərazidə görülməsi vacib olan təhlükəsizlik tədbirləri ilə bağlı görüş iştirakçıları ilə qarşılıqlı şəkildə fikir mübadiləsi aparılıb.

Sonda “Su hövzələrində təhlükəsizlik və davranış qaydaları”na dair videoçarx nümayiş olunub.

Digər məlumatlar

Taxıl zəmilərində, otlaq sahələrində və meşə fondu ərazilərində yanğın təhlükəsizliyinə riayət olunmalıdır

Yanğın təhlükəsizliyinin təmin edilməsi ilə bağlı əkin sahələrində baş vermiş yanğınların qarşısının alınması məqsədilə Tərtər və Cəlilabad rayon İcra Hakimiyyətində qərərgahlar yaradılıb....

Ardını oxu

Yanğın təhlükəsizliyi müzakirə olunub

Sabirabad rayonu ərazisində dənli və texniki bitkilərin yığılması, daşınması, saxlanılması və emalı dövründə, eləcə də meşə zolaqlarında  yanğın təhlükəsizliyinin təmin edilməsi məqsədilə......

Ardını oxu

Əkin sahələrinin yanğın təhlükəsizliyinə dair videokonfranslar keçirilib

Taxıl və dənli bitkilərin biçin mövsümü ilə əlaqədar olaraq Yevlax və Göyçay rayonlarında əkin sahələrində yanğın təhlükəsizliyinin təmin edilməsi məqsədilə həmin rayonların icra hakimiyyətlərində müvafiq qərargahlar yaradılıb....

Ardını oxu