Geri

FHN-in Cənub Regional Mərkəzi tərəfindən praktiki məşğələ və maarifləndirmə tədbiri keçirilib

FHN-in Cənub Regional Mərkəzi tərəfindən 10 iyul 2019-cu il tarixində “Su hövzələrində insanların təhlükəsizliyinin təmin olunması” mövzusunda praktiki məşğələ və maarifləndirmə tədbiri keçirilib.

Praktiki məşğələnin keçirilməsində əsas məqsəd əhaliyə çimərliklərdən düzgün istifadə qaydaları, zərərçəkmişlərin xilas edilməsi və onlara ilkin tibbi yardımın göstərilməsi ilə bağlı biliklərin aşılanması olub.

Praktiki məşğələnin gedişində FHN-in Cənub Regional Mərkəzinin, Kiçikhəcmli Gəmilərə Nəzarət və Sularda Xilasetmə Dövlət Xidmətinin Cənub dalğıc axtarış qrupunun, Lənkəran xilasetmə məntəqəsinin əməkdaşları, eləcə də şəhər sakinləri iştirak ediblər.

Praktiki məşğələyə bir ədəd Mersedes Sprinter markalı xüsusi xilasetmə avtomobili, bir ədəd Chevrolet-Niva avtomobili və bir ədəd xilasetmə kateri, eyni zamanda xüsusi xilasetmə alət və avadanlıqları da cəlb edilib.

Şərti olaraq baş vermiş sudaboğulma hadisəsi zamanı FHN-in qüvvələri tərəfindən hadisə yerində zərərçəkmişin axtarışına başlanılıb, aparılan axtarış tədbirlərinin nəticəsi olaraq zərərçəkmiş xilasedicilər tərəfindən tapılaraq ilkin tibbi yardım göstərildikdən sonra Təcili və təxirəsalınmaz tibbi yardım stansiyasının əməkdaşlarına təhvil verilib.

Daha sonra çimərlikdə əhali üçün təhlükə yarada biləcək maneələrin təmizlənməsi istiqamətində müvafiq təhlükəsizlik tədbirləri həyata keçirilib, “112” mərkəzinə müraciət”, “Çimərlikdə təhlükəsizlik və davranış qaydaları”, “Suda zərərçəkmişə yardımın göstərilməsi”, “Çimərlikdə istirahət etmək istəyən hər bir uşaq hansı təhlükəsizlik qaydalarını bilməlidir?” mövzularında hazırlanmış yaddaş kitabçaları və maarifləndirici bukletlər paylanılıb.

Digər məlumatlar

Fövqəladə Hallar Nazirliyi işçilərinin Həmkarlar İttifaqının üzvləri Heydər Əliyev Mərkəzini ziyarət ediblər

12-13 dekabr 2019-cu il tarixlərində Fövqəladə Hallar Nazirliyi işçilərinin Həmkarlar İttifaqının təşkilatçılığı ilə ititifaq üzvü olan, Fövqəladə Hallar Nazirliyinin Dövlət Yanğından Mühafizə Xidmətində və Xüsusi Riskli Xilasetmə Xidmətində çalışan bir qrup fəal əməkdaş Azərbaycan xalqının ümummilli lideri Heydər Əliyevin xatirəsini yad etmək məqsədilə Heydər Əliyev Mərkəzində......

Ardını oxu

FHN-in Dövlət Yanğın Nəzarəti Xidməti maarifləndirmə tədbirlərini davam etdirir

13 dekabr 2019-cu il tarixində FHN-in Dövlət Yanğın Nəzarəti Xidmətinin Sumqayıt Regional Dövlət Yanğın Nəzarəti İdarəsi Sumqayıt şəhər 27 nömrəli tam orta məktəbində, Psixiatriya xəstəxanasında, Sumqayıt ...

Ardını oxu

FHN, DİN və Səhiyyə nazirliklərinin qurumları birgə təlim keçirib

13 dekabr 2019 –cu il tarixində “Azərbaycan Respublikası yol hərəkətinin təhlükəsizliyinə dair  2020-2024 –cü illər uçun Dövlət Proqramı”nın müvafiq bəndlərinin icrası......

Ardını oxu