Geri

FHN-in Qarabağ Regional Mərkəzində “Gənc xilasedici və yanğınsöndürən” yarışlarının zona birinciliyi keçirilib

Fövqəladə Hallar Nazirliyinin Qarabağ Regional Mərkəzində “Gənc xilasedici və yanğınsöndürən” yarışlarının zona birinciliyi keçirilib.

Mərasimdə FHN-in yerli qurumlarının, Ağdam rayon İcra Hakimiyyətinin, rayon Gənclər və İdman İdarəsinin və rayon Təhsil Şöbəsinin nümayəndələri iştirak edib. Çıxış edənlər Fövqəladə Hallar Nazirliyinin təşkilatçılığı və respublikamızın Təhsil, Gənclər və İdman nazirliklərinin dəstəyi ilə keçirilən "Gənc xilasedici və yanğınsöndürən" yarışlarının əhəmiyyətindən, yeniyetmə və gənclərin fövqəladə hallara hazırlıq səviyyəsinin yüksəldilməsindən, məktəblilər arasında şəxsi və ictimai təhlükəsizliyə məsuliyyətli yanaşma hissinin artırılmasından, gənc nəslə hərbi-vətənpərvərlik ruhunun aşılanmasından, gənclər arasında sağlam həyat tərzinin təbliğinin, məktəblilərin yanğın və texniki təhlükəsizlik qaydalarına ciddi əməl etmələrinin, ilkin tibbi yardımın düzgün göstərilməsi qaydalarının mənimsənilməsinin vacibliyindən ətraflı bəhs ediblər. Yarış iki mərhələdən - kombinə edilmiş yanğın estafeti və maneələr zolağı adlı mərhələlərdən ibarət olub.

Gərgin mübarizə şəraitində keçən yarışların yekunlarına əsasən, Şuşa rayon 19 nömrəli tam orta məktəbinin komandası I, Ağdam rayonu Quzanlı qəsəbə tam orta məktəbinin və Ağcabədi rayonu Ş. Hüseynov adına şəhər 2 nömrəli tam orta məktəbinin komandaları isə müvafiq olaraq II və III yerə layiq görülüb. Birinci yerin sahibi olan Şuşa rayon 19 nömrəli tam orta məktəbinin komandası ümumrespublika final yarışlarında iştirak etmək hüququnu qazanıb.

Yarışda fərqələnən digər komandaların üzvləri diplom və fəxri fərmanlarla təltif edilib. 

Digər məlumatlar

Azərbaycan Respublikası Hökuməti və Qətər Dövləti Hökuməti arasında Sərmayə üzrə Birgə İşçi Qrupunun ilk iclası keçirilib

16 oktyabr 2019-cu il tarixində Fövqəladə Hallar Nazirliyində Azərbaycan Respublikası Hökuməti və Qətər Dövləti Hökuməti arasında Sərmayə üzrə Birgə İşçi Qrupunun ilk iclası keçirilib. ...

Ardını oxu

FHN-in Regional Mərkəzlərində maarifləndirmə tədbirləri keçirilib

Fövqəladə Hallar Nazirliyinin Gəncə Regional Mərkəzi Qazax rayonu H. Qaratel adına ümumi orta məktəbində, Şimal-qərb Regional Mərkəzi Zaqatala Dövlət İdarəetmə və Texnologiya Kollecində, Sumqayıt Regional Mərkəzi Abşeron rayonu Güzdək qəsəbə tam orta məktəbində  “Fövqəladə hallarla bağlı davranış qaydaları” mövzusunda maarifləndirmə tədbirləri keçirib. ...

Ardını oxu

FHN-in Dövlət Yanğın Nəzarəti Xidməti maarifləndirmə tədbirlərini davam etdirir

FHN-in Dövlət Yanğın Nəzarəti Xidmətinin Gəncə regional Dövlət Yanğın Nəzarəti İdarəsi  16 oktyabr 2019-cu il tarixində Gəncə şəhər 2 saylı tam orta məktəbdə, Göygöl şəhər 3 saylı tam orta məktəbdə, İctimai obyektlərə nəzarət sektoru Xaçmaz ...

Ardını oxu