Geri

FHN-in Dövlət Yanğından Mühafizə Xidmətinin şəxsi heyəti üçün maarifləndirmə tədbiri keçirilib

17 aprel 2019-cu il tarixində FHN-in Fövqəladə halların nəticələrinin aradan qaldırılması işinin təşkili Baş idarəsinin Tibbi və psixoloji yardımın təşkili şöbəsi tərəfindən Fövqəladə Hallar Nazirliyinin Xətai rayonunda yerləşən inzibati binasının akt zalında Dövlət Yanğından Mühafizə Xidmətinin əməkdaşları üçün növbəti maarifləndirmə tədbiri keçirilib.

Toplantı DYMX-nin fəaliyyət xüsusiyyətlərinə müvafiq olaraq termiki yanıqlar və dəm qazı ilə zəhərlənmələr zamanı ilkin tibbi yardımın göstərilməsi qaydalarına, həmçinin yanğınsöndürənlərin psixoloji hazırlığı, ilkin psixoloji yardımın göstərilməsinə dair mövzulara həsr edilib.

Tədbiri giriş sözü ilə açan Fövqəladə halların nəticələrinin aradan qaldırılması işinin təşkili Baş idarəsinin əməkdaşı tibb xidməti mayoru Xanım Sofiyeva Dövlət Yanğından Mühafizə Xidməti əməkdaşlarının şərəfli peşəsinin psixoloji xüsusiyyətlərini, yanğınsöndürənlərin vacib peşəkar keyfiyyətlərini qeyd edib, fövqəladə halların nəticələrinin aradan qaldırılması istiqamətində aparılan müxtəlif xarakterli qəza-xilasetmə işləri zamanı zərər çəkmiş şəxslərə və onların yaxınlarına mənəvi dəstəyin göstərilməsinin vacibliyini diqqətə çatdırıb. Baş idarənin əməkdaşı tibb xidməti kapitanı Leyla Babayeva termiki yanıqlar, tənəffüs yollarının yanıqları, eləcə də dəm qazı ilə zəhərlənmə, belə hallarda göstərilən ilkin tibbi yardım barədə məlumat verib. Leytenant Davud Sultanov isə psixoloji hazırlığın, eyni zamanda zərərçəkənlərə psixoloji yardımın əhəmiyyətindən danışıb.

Tədbirdə mövzular ətrafında geniş müzakirələr aparılıb, suallar cavablandırılıb

 

Digər məlumatlar

Maarifləndirmə tədbirləri davam etdirilir

FHN-in Dövlət Yanğın Nəzarəti Xidmətinin Şimal-Qərb regional Dövlət Yanğın Nəzarəti İdarəsi 19 avqust  2019-cu il tarixində Şamaxı rayon Mərkəzi Xəstəxanasında, Muğan regional Dövlət Yanğın Nəzarəti İdarəsi......

Ardını oxu

FHN-in Dövlət Yanğın Nəzarəti Xidməti maarifləndirmə tədbirləri keçirib

FHN-in Dövlət Yanğın Nəzarəti Xidmətinin Muğan regional Dövlət Yanğın Nəzarəti İdarəsi 16 avqust 2019-cu il tarixində Şirvan şəhəri M.Ə.Rəsulzadə küçəsi 7 saylı, L.T.İbrahimov küçəsi 4 saylı, 20 Yanvar küçəsi 1, 2 və 4A saylı binaların sakinləri, həmçinin Sabirabad rayon Quruzma kənd sakinləri üçün, Cənub regional Dövlət Yanğın Nəzarəti......

Ardını oxu

FHN-in Dövlət Yanğın Nəzarəti Xidməti maarifləndirmə tədbirləri keçirib

Fövqəladə Hallar Nazirliyinin Dövlət Yanğın Nəzarəti Xidmətinin Qarabağ regional Dövlət Yanğın Nəzarəti İdarəsi 16 avqust  2019-cu il tarixində Ağcabədi şəhəri 2 saylı Körpələr evi-uşaq bağçasında, “Azərpoçt” MMC-nin  Bərdə şəhər filialında və  Bərdə rayon Arxiv idarəsində maarifləndirmə tədbirləri keçirib. ...

Ardını oxu