Geri

Fövqəladə Hallar Nazirliyində beynəlxalq müsabiqə qalibi olmuş məktəblilərin təltifetmə mərasimi keçirilib

29 mart 2019-cu il tarixində Azərbaycan Respublikasının Fövqəladə Hallar Nazirliyində “Fəlakəti gözlərimlə gördüm” adlı Uşaq Rəsmlərinin Beynəlxalq İncəsənət Müsabiqəsində yer tutmuş azərbaycanlı məktəblilərin təltifetmə mərasimi keçirilib. Bolqarıstan Respublikasının Daxili İşlər Nazilrliyi tərəfindən təşkil olunmuş beynəlxalq müsabiqəyə göndərilən işlər arasında Azərbaycan Milli Konservatoriyasının tərkibində İncəsənət Gimnaziyasının 6-cı sinif şagirdi Nəzərova Finarə Elşən qızının rəsmi işi Qran-Pri mükafatına, 3 nömrəli Uşaq-Gənclər İnkişaf Mərkəzinin dərnək üzvü Kəbirlinskaya Fidan Samir qızına məxsus rəsm isə birinci yerə layiq görülüb.

FHN-də keçirilən təltifetmə mərasimində həmin məktəblilərə Bolqarıstan Respublikasının Daxili İşlər Nazirliyi tərəfindən göndərilmiş fəxri fərman və hədiyyələr, eyni zamanda Azərbaycan Respublikasının Fövqəladə Hallar Nazirliyi tərəfindən qiymətli hədiyyələr təqdim olunub. Fəxri fərmanlar və hədiyyələr FHN-in İctimaiyyətlə əlaqə idarəsinin rəis müavini polkovnik Məhbubə Mustafayeva və Beynəlxalq əlaqələr idarəsinin rəis müavini Eldar Əlizadə tərəfindən təqdim olunub.

Xatırladaq ki, hər iki məktəbli Fövqəladə Hallar və Təhsil nazirliklərinin birgə təşkilatçılığı və FHN işçilərinin Həmkarlar İttifaqının dəstəyi ilə məktəblilər arasında keçirilmiş “Fövqəladə hallar uşaqların gözü ilə” mövzusunda VIII Respublika Uşaq Yaradıcılıq Müsabiqəsinin qalibləri olublar.

Digər məlumatlar

Taxıl zəmilərində, otlaq sahələrində və meşə fondu ərazilərində yanğın təhlükəsizliyinə riayət olunmalıdır

Yanğın təhlükəsizliyinin təmin edilməsi ilə bağlı əkin sahələrində baş vermiş yanğınların qarşısının alınması məqsədilə Tərtər və Cəlilabad rayon İcra Hakimiyyətində qərərgahlar yaradılıb....

Ardını oxu

Yanğın təhlükəsizliyi müzakirə olunub

Sabirabad rayonu ərazisində dənli və texniki bitkilərin yığılması, daşınması, saxlanılması və emalı dövründə, eləcə də meşə zolaqlarında  yanğın təhlükəsizliyinin təmin edilməsi məqsədilə......

Ardını oxu

Əkin sahələrinin yanğın təhlükəsizliyinə dair videokonfranslar keçirilib

Taxıl və dənli bitkilərin biçin mövsümü ilə əlaqədar olaraq Yevlax və Göyçay rayonlarında əkin sahələrində yanğın təhlükəsizliyinin təmin edilməsi məqsədilə həmin rayonların icra hakimiyyətlərində müvafiq qərargahlar yaradılıb....

Ardını oxu