Geri

Aran Regional Mərkəzi mülki müdafiə üzrə maarifləndirmə tədbiri keçirib

2019-cu ilin 28 mart tarixində Aran Regional Mərkəzinin Mülki müdafiə idarəsi 2019-cu il üçün “Mülki Müdafiə üzrə Tədbirlər Planı”na əsasən Naftalan şəhər 1 saylı Mənzil İstismarı Sahəsinin ərazisinə daxil olan ictimai binaların sakinləri ilə açıq səma altında maarifləndirmə tədbiri keçirib.

Tədbirdə Naftalan şəhər İcra Hakimiyyətinin aidiyyəti struktur bölmələrinin əməkdaşları, xidmət sahələrinin nümayəndələri və sakinlər iştirak ediblər.

Məqsəd təbii olaraq baş verə biləcək fövqəladə hadisələr, zəlzələlər, yanğınlar və s. kimi hallar zamanı əhalinin öz üzərinə düşən funksional vəzifələrini yerinə yetirmələri sahəsində maarifləndirilməsi, eləcə də sakinlərin belə hadisələr ilə bağlı nəzəri biliklərinin artırılması, fövqəladə hadisələrin qarşısının alınması işində təşkilatçılığın gücləndirilməsi, operativliyin sürətləndirilməsi və əhalinin təhlükəsizlik və müdafiə dərəcəsinin yüksəldilməsinə köməklik göstərməsi olub.

Tədbirdə “Fövqəladə halların təsnifatı”, “Zəlzələ zamanı necə davranmalı?”, “Sel və daşqın zamanı nə etməli?”, “Məişətdə yanğın zamanı davranış qaydaları”, “Dəm qazı” və “112” zəng mərkəzi” mövzularında çıxışlar edilib. 

Sonda mövzular üzrə çıxışlar dinlənilib, müvafiq suallar ətraflı şəkildə cavablandırılıb.

Digər məlumatlar

FHN-nin Qarabağ Regional Mərkəzi maarifləndirmə tədbiri keçirib

Fövqəladə Hallar Nazirliyinin Qarabağ Regional Mərkəzi 15 oktyabr 2019-cu il tarixində Beyləqan rayon Dünyamalılar kənd 2 nömrəli tam orta məktəbində “Fövqəladə hallarla bağlı davranış qaydaları” mövzusunda maarifləndirmə tədbiri keçirib.  ...

Ardını oxu

FHN-in Dövlət Yanğın Nəzarəti Xidməti maarifləndirmə tədbirlərini davam etdirir

FHN-in Dövlət Yanğın Nəzarəti Xidmətinin İctimai obyektlərə nəzarət sektoru 15 oktyabr 2019-cu il tarixində Bakı şəhər “GM City” oteldə, 3-cü ərazi Dövlət Yanğın Nəzarəti İdarəsi Nərimanov rayon Ədliyyə Nazirliyinin Baş Tibb İdarəsində...

Ardını oxu

FHN-in əməkdaşı dünya çempionatında gümüş medal qazanıb

14 oktyabr 2019-cu il tarixində Mərakeşdə veteran cüdoçular arasında keçirilən dünya çempionatında FHN-in Kiçikhəcmli Gəmilərə Nəzarət və Sularda Xilasetmə Dövlət Xidmətinin Corat sularda xilasetmə məntəqəsinin rəisi vəzifəsində çalışan daxili xidmət sıravisi Vüqar Babayev də iştirak edib....

Ardını oxu