Geri

Gürcüstan nümayəndə heyəti FHN-də görüşlər keçirib

24-26 fevral 2019-cu il tarixlərində Gürcüstan Daxili İşlər Nazirliyinin Fövqəladə Halların İdarəetmə Xidmətinin Yanğın Təhlükəsizliyi Monitorinq İdarəsinin direktoru Roin Varshanidze, Yanğın təhlükəsizliyi siyasətinin planlaşdırılması şöbəsinin müdiri Zurab Talakvadze və Mülki Müdafiə Xidmətinin direktoru Zaza Pantsulaiadan ibarət nümayəndə heyəti Azərbaycan Respublikasında səfərdə olub. Səfər çərçivəsində qonaqlar Fövqəladə Hallar Nazirliyinin Dövlət Yanğın Nəzarəti, Dövlət Yanğından Mühafizə, Xüsusi Riskli Xilasetmə xidmətlərinin və FHN-in Akademiyasının fəaliyyəti ilə yaxından tanış olublar. Qonaqlara Fövqəladə Hallar Nazirliyinin strukturu, fəaliyyət istiqamətləri, maddi-texniki bazası haqqında ətraflı məlumat verilib. Nümayəndə heyətinə qurumların nəzdindəki texnikalar və xilasedicilərin fəaliyyəti əyani şəkildə nümayiş olunub. Vurğulanıb ki, Nazirliyin qurumları istər ölkə daxilində istərsə də ölkə xaricində baş verən təbii fəlakətlərin, hadisələrin nəticələrinin aradan qaldırılmasında yüksək peşəkarlığa malikdirlər.

FHN-in qurumlarında keçirilən görüşlər zamanı qonaqlar yüksək qonaqpərvərliyə görə minnətdarlığını bildiriblər. Yanğın Təhlükəsizliyi Monitorinq İdarəsinin direktoru Roin Varshanidze iki ölkənin qurumları arasında qarşılıqlı faydalı əməkdaşlığın bundan sonra da davam etdirilməsinin vacibliyini qeyd edib.

Digər məlumatlar

FHN-in Gəncə Regional Mərkəzi mülki müdafiə məşqi keçirib

FHN-in Gəncə Regional Mərkəzi 18 oktyabr 2019-cu il tarixində F. Əmirov adına Gəncə Dövlət Filarmoniyasında rəhbər heyətin mülki müdafiə məşqini keçirib. “Fövqəladə hadisələrin nəticələrinin aradan qaldırılması zamanı Mülki müdafiə orqan və qüvvələrinin idarə edilməsinin təşkili” mövzusunda keçirilən məşqdə müəssisənin rəhbərləri, Mülki müdafiə qərargahı, Mülki müdafiə qüvvələrinin......

Ardını oxu

FHN-in Aran Regional Mərkəzi maarifləndirmə tədbiri keçirib

Fövqəladə Hallar Nazirliyinin Aran Regional Mərkəzi 18 oktyabr 2019-cu il tarixində FHN-in regionda fəaliyyət göstərən digər qurumları ilə birgə Mingəçevir şəhər 4 nömrəli tam orta məktəbinin kollektivi ilə “Fövqəladə hallarla bağlı davranış qaydaları” mövzusunda maarifləndirmə tədbiri keçirib. Tədbir müəllim və şagirdlərin fövqəladə hallarla bağlı davranış qaydaları......

Ardını oxu

Fövqəladə Hallar Nazirliyinin regional mərkəzləri və qurumlarında Azərbaycanın müstəqilliyinin bərpasının 28 illiyi münasibətilə tədbirlər keçirilib

18 oktyabr 2019-cu il tarixində Fövqəladə Hallar Nazirliyinin regional mərkəzləri və qurumlarında Azərbaycanın müstəqilliyinin bərpasının 28 illiyi münasibətilə tədbirlər keçirilib. ...

Ardını oxu